આંધ્રપ્રદેશમાં BJP, TDP અને પવન કલ્યાણનું જોડાણ

TDP : લોકસભા ચૂંટણી 2024 પહેલા એનડીએ ગઠબંધન સતત પોતાના સમૂહને વિસ્તારી રહ્યું છે. કેટલાક દિવસોની અટકળો પછી, ભારતીય જનતા પાર્ટી (BJP) એ તેલુગુ દેશમ પાર્ટી (TDP) અને પવન કલ્યાણની જનસેના પાર્ટી (JSP) વચ્ચે ગઠબંધનને અંતિમ સ્વરૂપ આપ્યું છે. આ મિત્રતા પર મહોર મારવાની જાહેરાત કરતા TDPના વડા ચંદ્રબાબુ નાયડુએ શુક્રવારે કહ્યું હતું કે આ ગઠબંધન લોકસભાની ચૂંટણી તેમજ આંધ્ર પ્રદેશની વિધાનસભાની ચૂંટણી જીતવામાં મદદ કરશે.

નાયડુ અને શાહ મળ્યા

ટીડીપી પ્રમુખ એન ચંદ્રબાબુ નાયડુએ શનિવારે કેન્દ્રીય ગૃહ પ્રધાન અમિત શાહ અને ભાજપ અધ્યક્ષ જેપી નડ્ડા સાથે આગામી લોકસભા ચૂંટણીને ધ્યાનમાં રાખીને ભાજપ સાથે ગઠબંધન કરવા પર બીજા રાઉન્ડની વાતચીત કરી હતી. ગઠબંધનને ધ્યાનમાં રાખીને, આંધ્રપ્રદેશના ભૂતપૂર્વ મુખ્ય પ્રધાન નાયડુ અને જનસેનાના વડા દક્ષિણના સુપરસ્ટાર અભિનેતા પવન કલ્યાણ પણ ગુરુવારે શાહ અને નડ્ડાને મળ્યા હતા.

સૈદ્ધાંતિક રીતે આગામી ચૂંટણીમાં સાથે મળીને કામ કરવાનો નિર્ણય

ટીડીપીના વરિષ્ઠ નેતા અને રાજ્યસભાના સભ્ય કે. રવિન્દ્ર કુમારે શુક્રવારે કહ્યું હતું કે ભાજપ, જનસેના અને તેમની પાર્ટીએ સૈદ્ધાંતિક રીતે આગામી ચૂંટણીમાં સાથે મળીને કામ કરવાનો નિર્ણય લીધો છે અને સર્વસંમતિ બનાવવા માટે મોડલ પર કામ કરવામાં આવી રહ્યું છે. ઉલ્લેખનીય છે કે આંધ્રપ્રદેશમાં લોકસભા અને વિધાનસભાની ચૂંટણી એક સાથે યોજાશે.

મિત્રતાથી ફાયદો થશે?

જો આપણે બીજેપી ઉમેદવારોની પ્રથમ યાદી પર નજર કરીએ તો, પાર્ટી પહેલાથી જ મિશન સાઉથ મોડ પર સ્વિચ કરી ચૂકી છે. આવી સ્થિતિમાં જો દક્ષિણ ભારતની વાત કરીએ તો 5 રાજ્યો (કેરળ, તમિલનાડુ, કર્ણાટક, આંધ્રપ્રદેશ અને તેલંગાણા)માં કુલ 129 બેઠકો છે. અહીં એનડીએને અમુક અંશે નબળું માનવામાં આવી રહ્યું છે જેના કારણે ભાજપ હાઈકમાન્ડ સંપૂર્ણપણે સક્રિય થઈ ગયું છે. આંધ્ર પ્રદેશમાં લોકસભાની 25 બેઠકો છે જ્યાં ચંદ્રબાબુ નાયડુની ટીડીપી આ વખતે મોટી ભૂમિકા ભજવી શકે છે. આવી સ્થિતિમાં ભાજપ સાથે ટીડીપીની મિત્રતા ખૂબ જ મહત્વપૂર્ણ છે. 400ના આંકડા સુધી પહોંચવા માટે નાયડુ અને પવન કલ્યાણની પાર્ટી માટે એનડીએમાં સામેલ થવું જરૂરી માનવામાં આવે છે.

આ પણ વાંચો----- Alappuzha: આ લોકસભા બેઠકમાં કોંગ્રેસને ‘હાર-જીત’ બંને મળશે! જાણો અટપટું ગણિત

આ પણ વાંચો----- Odisha : શું ભાજપ એકલા હાથે ચૂંટણી લડશે?

આ પણ વાંચો---- આંધ્રપ્રદેશમાં TDP અને BJP વચ્ચે ગઠબંધન થઈ શકે છે, ચંદ્રબાબુ નાયડુએ અમિત શાહ સાથે મુલાકાત કરી…