Trump: રેલીમાં ડોનાલ્ડ ટ્રમ્પ પર ફાયરિંગ,કાનને અડીને નીકળી ગોળી જુઓ video

Trump: અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ(Trump)ની રેલી(rally) પર ગોળીબાર થયો હોવાની ઘટના સામે આવી છે. આ હુમલામાં ટ્રમ્પ ઘાયલ થયા છે, ગોળી તેના જમણા કાનને અડ્યા બાદ નીકળી ગઈ હતી. તેમના જમણા કાનમાંથી લોહી નીકળવા લાગ્યું અને તેમના ચહેરા પર પણ લોહીના નિશાન જોવા મળ્યા. તેઓ પેન્સિલવેનિયામાં રેલી કરી રહ્યા હતા, ત્યારે એક પછી એક અનેક ગોળીઓ ચલાવવામાં આવી હતી. વીડિયોમાં ટ્રમ્પના કાન પર લોહી દેખાઈ રહ્યું છે.

ચહેરા પર લોહી દેખાયું

ઘટનાના વીડિયોમાં લોકોની ચીસા ચીસ સંભળાય છે. ત્યાં હાજર ઘણા લોકો પોતપોતાની જગ્યાએ સૂઈ જાય છે. સિક્રેટ સર્વિસ કમાન્ડો એક્શનમાં આવે છે અને ટ્રમ્પને ઘેરી લે છે. આ પછી જ્યારે ટ્રમ્પ ત્યાંથી બહાર આવ્યા તો તેઓ હવામાં મુઠ્ઠી હલાવતા અને કંઈક કહેતા જોવા મળ્યા. આ દરમિયાન ટ્રમ્પના ચહેરા પર અને કાનની નીચે લોહી વહી જતું જોવા મળ્યું હતું. તરત જ સિક્રેટ એજન્ટોએ ટ્રમ્પને સ્ટેજ પરથી ઉતારી કારમાં બેસાડી અને ત્યાંથી લઈ ગયા.

ડોનાલ્ડ ટ્રમ્પ સલામત છે - સિક્રેટ સર્વિસ

સિક્રેટ સર્વિસે એક નિવેદનમાં જણાવ્યું હતું કે ટ્રમ્પ સુરક્ષિત છે અને તેમની સુરક્ષા માટે પગલાં લાગુ કરવામાં આવ્યા છે. ટ્રમ્પ સ્ટેજ પરથી નીચે આવ્યા પછી તરત જ પોલીસે રેલીનું મેદાન ખાલી કરાવ્યું હતું. સિક્રેટ સર્વિસ આ ગોળીબારને હત્યાના પ્રયાસ તરીકે તપાસ કરી રહી છે. આ દરમિયાન એફબીઆઈની ટીમ પણ ઘટનાસ્થળે પહોંચી ગઈ છે. એજન્સીએ કહ્યું કે ટીમ આ કેસની તપાસમાં સીક્રેટ સર્વિસ સાથે મળીને કામ કરશે.આ રેલીનું આયોજન પેન્સિલવેનિયાના ગ્રેટર પિટ્સબર્ગ વિસ્તારમાં બટલર કાઉન્ટીમાં કરવામાં આવી રહ્યું હતું. બટલર કાઉન્ટીના ડિસ્ટ્રિક્ટ એટર્ની રિચાર્ડ ગોલ્ડિંગરે જણાવ્યું હતું કે શંકાસ્પદ બંદૂકધારીને ગોળી વાગી હતી અને રેલીમાં ભાગ લેનાર એક વ્યક્તિ પણ મૃત્યુ પામ્યો હતો. જ્યારે અન્ય એકની હાલત ગંભીર હોવાનું કહેવાય છે.

ગોળી મને કાનના ઉપરના ભાગમાં વાગી - ટ્રમ્પ

ડોનાલ્ડ ટ્રમ્પે પણ આ ઘટના પર નિવેદન જાહેર કર્યું છે. તેમણે કહ્યું, "આ માની શકાય તેમ નથી કે આપણા દેશમાં આવું થઈ શકે. શૂટર વિશે અત્યારે કોઈ માહિતી નથી, જે હવે મરી ગયો છે. મને ગોળી વાગી હતી જે મારા જમણા કાનના ઉપરના ભાગમાં વાગી હતી, તુંરત મને લાગ્યું કે કંઈક ગડબડ છે, કારણકે મે એક કારણ કે મેં જોરથી અવાજ સાંભળ્યો હતો, ગોળીબાર થયો અને તરત જ લાગ્યું કે ગોળી ત્વચાને ચીરતી જતી રહી.

શું કહ્યું વાઇસ પ્રેસિડેન્ટ કમલા હેરિસે

યુએસ વાઇસ પ્રેસિડેન્ટ કમલા હેરિસે ટ્વીટ કર્યું, "મને પેન્સિલવેનિયામાં પૂર્વ રાષ્ટ્રપતિ ટ્રમ્પના કાર્યક્રમમાં ગોળીબારની જાણ કરવામાં આવી છે. ડગ અને મને રાહત છે કે તે ગંભીર રીતે ઘાયલ થયા નથી. અમે તેમની સાથે છીએ, તેમના પરિવારો અને તમામ લોકો માટે પ્રાર્થના કરીએ છીએ. આ મૂર્ખતાભર્યા ગોળીબારથી ઘાયલ અને અસરગ્રસ્ત અમે યુનાઇટેડ સ્ટેટ્સ સિક્રેટ સર્વિસ અને સ્થાનિક સત્તાવાળાઓ દ્વારા આ પ્રકારની હિંસા અટકાવવા માટે આભારી છીએ.

'લોકશાહીમાં રાજકીય હિંસા માટે કોઈ સ્થાન નથી

રેલીમાં થયેલા ગોળીબારને લઈને અમેરિકાના ભૂતપૂર્વ રાષ્ટ્રપતિ બરાક ઓબામાએ ટ્વીટ કર્યું કે, "આપણી લોકશાહીમાં રાજકીય હિંસા માટે કોઈ સ્થાન નથી. જો કે અમને હજુ સુધી બરાબર ખબર નથી કે શું થયું છે, અમે બધાએ રાહત અનુભવવી જોઈએ." મિશેલ ગંભીર રીતે ઘાયલ નથી અને હું તેને ઝડપથી સ્વસ્થ થવાની ઈચ્છા કરું છું.

આ પણ  વાંચો  - Austria : વિશ્વના તમામ નેતાઓએ PM મોદી પાસેથી શીખવું જોઈએ – Anton Zeilinger

આ પણ  વાંચો  - Tuscany Mountain News: અહીંયા માત્ર 90 રૂપિયામાં જ ઘર મળે છે, ઈચ્છુક વ્યક્તિ કરો આટલું….

આ પણ  વાંચો  - Nigeria માં મોટી દુર્ઘટના, શાળાની ઈમારત ધરાશાયી, 22 વિદ્યાર્થીઓના મોત અને 100 થી વધુ ઘાયલ…