ભાવનગરમાં કેજરીવાલના ફોટા પર કાળી શાહી લગાવી વિરોધ, જાણો ઈલેક્શનની તમામ અપડેટ

ગુજરાત વિધાનસભાની (Gujarat Elections 2022) ચૂંટણી પહેલા રાજ્યમાં આમ આદમી પાર્ટી (AAP) સક્રિય થઈ છે. રાજ્યમાં કેજરીવાલ અને ભગવંત માનના આંટાફેરા વધી રહ્યાં છે ત્યારે આજે અરવિંદ કેજરીવાલ અને ભગવંત માન ભાવનગરના પ્રવાસે છે અને અહીં તેઓના પ્રવાસ પહેલા આમ આદમી પાર્ટીના નારાજ જુથ દ્વારા જ કેજરીવાલના પોસ્ટર પર કાળી શાહી લગાવીને વિરોધ નોંધાવ્યો છે.

ભાવનગર (Bhavnagar) શહેરમાં આજે એક સભા સંબોધવા આમ આદમી પાર્ટીના (AAP) સંયોજક અરવિંદ કેજરીવાલ (Arvind Kejriwal) અને પંજાબના મુખ્યમંત્રી ભગવત માન (Bhagwant Mann) આવી રહ્યા છે ત્યારે  શહેરના વાઘાવાડી રોડ પર આમ આદમી પાર્ટીના (AAP) બેનરો લગાવવામાં આવેલ છે. જે બેનરો હોર્ડિંગ્સ પર આમ આદમી પાર્ટીના શહેર પૂર્વ ઉપપ્રમુખ હરિસિંહ ઝાલા (Harising Zala) અને અન્ય AAPના કાર્યકરો દ્વારા ગોપાલ ઇટાલીયા ભાગવત માન અને અરવિંદ કેજરીવાલના બેનરો અને ફોટા ઉપર કાળી શાહી લગાવીને વિરોધ AAP પાર્ટીના જ હોદ્દેદાર દ્વારા કરાયો છે.

ગુજરાત વિધાનસભાના મુખ્ય દંડક અને નડિયાદના ધારાસભ્ય પંકજભાઈ દેસાઈએ (Pankaj Desai) કેજરીવાલ પર પ્રહાર કરતા જણાવ્યું કે, કેજરીવાલ બાહ્ય તાકાતથી દેશ તોડવાના ધંધા કરી રહ્યા છે. નડિયાદ ખાતે સબ સ્ટેશન ભૂમિપૂજન કાર્યક્રમ પ્રસંગે પંકજભાઈ દેસાઈએ દિલ્હીના મુખ્યમંત્રી કેજરીવાલ અને આમ આદમી પાર્ટીને જાકારો આપવાની વાત કરી હતી. તેમણે કહ્યું કે, દેશને સુરક્ષિત રાખવા માટે સંરક્ષણનું બજેટ યોગ્ય રીતે ફળવાવું જોઈએ. કેજરીવાલને આપણે અહીંયાથી જાકારો આપવાનો છે. કેજરીવાલ મફતની વાતો કરી લોભામણી જાહેરાતો કરી રહ્યા છે

પાટણ જિલ્લાના સિદ્ધપુર ખાતે ગૌરવ યાત્રા સંદર્ભે યોજાયેલ પ્રેસમાં કોંગ્રેસ અને AAPને કેન્દ્રીય મંત્રી સંજીવ બાલિયાને (Sanjeev Balyan) લીધા આડે હાથ લીધાં હતા. કેન્દ્રીય મંત્રીશ્રી સંજીવકુમાર બાલીયને ગોપાલ ઈટાલિયા (Gopal Italia) પર સીધા પ્રહાર કર્યું છે. તેમણે ગોપાલ ઈટાલીયાને આડકતરી રીતે ચોમાસાના દેડકા સાથે સરખાવીને શાબ્દિક પ્રહાર કર્યાં. તેમણે કહ્યું કે, ગુજરાતમાં ભાજપ સ્પષ્ટ બહુમતી થી સરકાર બનાવશે. દેશની વિકાસની સાચી રાજનીતિ 2014 બાદ શરૂ થયી છે, તેના પહેલા પરિવારવાદની રમાતી રાજનીતિ હતી. રેવડી વેચવાથી સરકાર નથી ચાલતી.

આ પણ વાંચો - મુખ્યમંત્રીશ્રીએ અલ્પેશ ઠાકોર વિશે શું કહ્યું કે બધા હસી પડયા...