VADODARA : ફતેગંજ બ્રિજ પર સળંગ ચાર ગાડીઓ ભટકાઇ
VADODARA : વડોદરા (VADODARA) શહેરના અતિવ્યસ્ત રહેતા ફતેગંજ બ્રિજ પર એક પછી એક સળંગ ચાર ગાડીઓ ભટકાઇ હોવાની ઘટના સામે આવી છે. ઘટનામાં ગાડીઓને નાનું-મોટું નુકશાન થવા પામ્યું છે. આ ઘટનાને પગલે બ્રિજ પર ગાડી હંકારતા સમયે ઝડપના નિયમોનું પાલન કરવામાં નહીં આવતું હોવાનું પણ સપાટી પર આવવા પામ્યું છે. અન્ય ગાડીના ચાલકના કારણે આજે ચાર લોકો લોકોએ ભોગવવાનો વારો આવ્યો છે.
ચાલક ઓવર સ્પીડમાં હતો
વડોદરામાં એક વિસ્તારમાંથી અન્ય વિસ્તારોનું અંતર સરળતાથી કાપી શકાય તે માટે ઓવરબ્રિજ બનાવવામાં આવ્યા છે. ઓવરબ્રિજ પર કોઇ કારણોસર ઝડપના નિયમોનું પાલન કરવામાં નહી આવતું હોવાના કિસ્સાઓ સામે આવતા રહે છે. આવી વધુ એક ઘટના સપાટી પર આવી છે. શહેરના અતિવ્યસ્ત રહેતા ફતેગંજ ઓવર બ્રિજ પર આજે એક સાથે ચાર ગાડીઓ ભટકાઇ છે. જેના કારણે ચાર જેટલી ગાડીઓમાં નાનું-મોટું નુકશાન પહોંચવા પામ્યું છે. આ ઘટનાનામાં અકસ્માત સર્જનાર ગાડીનો ચાલક ઓવર સ્પીડમાં હોવાનું હાજર લોકો જણાવી રહ્યા છે. આ સ્થિતી રહી તો, આવનાર સમયમાં ઝડપ પર લગામ કસવા માટે પોલીસે પગલાં લેવા પડશે. આ ઘટનાને પગલે ફતેગંજ ઓવરબ્રિજ પર ટ્રાફીક જામના દ્રશ્યો સર્જાયા છે.
બધી ગાડીઓને નુકશાન થયું
કારના ચાલક દિલીપ પંચાલે જણાવ્યું કે, ફતેગંજ બ્રિજ પર અમે 20 - 30 ની સ્પીડે જઇ રહ્યા હતા. પાછળથી આ ભાઇએ ઝડપમાં આવીને કાર ઠોકી દીધી હતી. બધી ગાડીઓને નુકશાન થયું છે. ચાર ગાડીઓને તેમણે ભટકાડી છે. જેને લઇને ટ્રાફીક જામ થયો છે. કોઇને વાગ્યું નથી.
આ પણ વાંચો -- VADODARA : વિદ્યાર્થીઓને લઇ જતી બસ પાણી ભરેલા નાળામાં ઠપ થઇ ગઇ