Siddhpur ખળી ચોકડી પાસે ખેલાયો ખૂની ખેલ, તીક્ષ્ણ હથિયાર વડે થઈ યુવકની હત્યા

1. સિદ્ધપુર ખળી ચોકડી પાસે એક યુવકની હત્યા
2. પૈસાની લેતી દેતી મામલે થઈ હતી સામાન્ય તકરાર
3. મામલો શાંત કરવા વચ્ચે પડેલા યુવકની થઈ કરપીણ હત્યા

Siddhpur: પાટણ જિલ્લાના સિદ્ધપુરમાં ગત મોડી રાત્રે હત્યાની ઘટના બની હોવાનું સામે આવ્યું છે. મળતી જાણકારી પ્રમાણે સિદ્ધપુર (Siddhpur) ખળી ચોકડી પાસે એક યુવકની હત્યા થઈ હોવાનું સામે આવ્યું છે. સૂત્રો દ્વારા એવું પણ જાણવા મળ્યું છે કે, ઈંડાની લારી પર માત્ર પૈસાની લેતી દેતી બાબતે બબાલ થઈ અને પછી બબાલ હત્યામાં પરિણમી હતી. અહીં વાત કઈક એમ છે કે, તકરારમાં હાથાપાઈ થઈ હતી જેથી ત્યાં ઉભેલો એક વ્યક્તિ મામલો શાંત કરવા માટે વચ્ચે પડ્યો હતો. પરંતુ અહીં મામલો શાંત કરવા વચ્ચે પડેલા વ્યક્તિ પર જ તીક્ષ્ણ હથિયારના ઘા ઝીંક્યા હતા.

આ પણ વાંચો: Bhavnagar : અનોખી લગ્ન કંકોત્રી! ‘બટેંગે તો કટેંગે’ નું સૂત્ર, સાથે જ આપ્યો આ ખાસ સંદેશ

સામાન્ય બોલાચાલીમાં યુવકની તીક્ષ્ણ હથિયાર વડે થઈ હત્યા

મળતી જાણકારી પ્રમાણે અહીં સિદ્ધપુર (Siddhpur) ખળી ચોકડી પર માત્ર પૈસાની લેતી દેતી મામલે બબાલ થઈ હતી. એટલું જ નહીં પરંતુ સામાન્ય બોલાચાલીમાં આરોપી વિશાલ ઠાકોરે યુવકની તીક્ષ્ણ હથિયારના ઘા કરીને હત્યા કરી દીધી હતી. નોંધનીય છે કે, હત્યારો આરોપી વિશાલ ઠાકોર ઘટના સ્થળેથી ફરાર થઈ ગયો હતો. જો કે, આ મામલે પોલીસે ઘટના સ્થળ પર પહોંટીને આગળની કાર્યવાહી હાથ ધરી દીધી છે. પરંતુ આરોપી હજી પોલીસની પકડમાં આવ્યો નથી. પોલીસે આરોપીને ઝડપી પાડવાની કાર્યવાહી હાથ ધરી દીધી છે.

આ પણ વાંચો: VADODARA : હાઇ-વે પર અકસ્માતમાં ટ્રક ચાલક ફસાયો, પતરૂ કાપીને રેસ્ક્યૂ

સિદ્ધપુરના સુણસર ગામના યુવકની થઈ હત્યા

સિદ્ધપુર (Siddhpur) ખળી ચોકડી પર થયેલા આ બબાલમાં સિદ્ધપુરના સુણસર ગામના યુવકની મોત થયું છે. નોંધનીય છે કે, આરોપીએ યુવક પર તીક્ષ્ણ હથિયારના ઘા ઝીંક્યા ત્યાર બાદ યુવકને સારવાર માટે હાસ્પિટલ લઈ જવામાં આવ્યો હતો. પરંતુ યુવકનું સારવાર દરમિયાન મોત થયું હોવાનું સામે આવ્યું છે. જેથી અત્યારે પોલીસે પણ આગળની કાર્યવાહી હાથ ધરી દીધી છે. જો કે, યુવકનું મોત થતા તેના પરિવારમાં અત્યારે ભારે શોકનો માહોલ જોવા મળી રહ્યો છે.

આ પણ વાંચો: Banaskantha : જ્યારે ભાજપે કશું આપ્યું નથી એટલે અમારા પાસેથી શું લેશે ? : Mavji Patel