મેફેડ્રોન ડ્રગ્સના જથ્થા સાથે એક ઈસમને ઝડપી લેવાયો, એક લાખ રૂપિયાનું ડ્રગ્સ જપ્ત

અહેવાલઃ ભાસ્કર જોશી, મોરબી 

મોરબી એસ.ઓ.જી ટીમે રાજકોટથી મોરબી તરફ આવતી રીક્ષાને ટંકારા નજીક રોકી તપાસતા તેમાંથી મેફેડ્રોન ડ્રગ્સનો જથ્થા સાથે એક ઈસમને ઝડપી લીધો હતો. મોરબી એસ.ઓ.જી ટીમે ટંકારા પોલીસ મથકે ગુનો નોંધી કાયદેસરની કાર્યવાહી હાથ ધરી છે.

મળતી માહિતી અનુસાર, મોરબી એસ.ઓ.જી. ટીમને બાતમી મળેલ કે, જીતેન્દ્ર પ્રજાપતિ નામનો ઇસમ ગેરકાયદેસર રીતે માદક પદાર્થ પાવડર લઈ ઓટો રીક્ષામાં બેસી રાજકોટ થી મોરબી તરફ જવા નિકળનાર છે. જે બાતમીનાં આધારે પોલીસે સ્થળ પર વોચ ગોઠવી હતી.. જે દરમ્યાન જીતેન્દ્રભાઇ પ્રજાપતિને રૂપિયા ૧,૦૨,૦૦૦ના મેફેડ્રોનનાં ૧૦.૨૦ ગ્રામનાં જથ્થા સાથે અને રૂ.૧૦,૦૦૦/-ની કિંમતનાં ૨ મોબાઇલ ફોન તથા રોકડા રૂ.૧૮૧૦/- મળી કુલ રૂ.૧,૧૩,૧૦૪નાં મુદ્દામાલ સાથે ઝડપી લીધો હતો.. તેની સામે ટંકારા પોલીસ મથકમાં ગુનો નોંધી આગળની કાર્યવાહી હાથ ધરવામાં આવી છે.