ગાંધીનગરમાં આરોગ્યકર્મીઓના ધરણા યથાવત, પરિપત્ર ન થાય ત્યા સુધી આંદોલનની ચીમકી

ઉલ્લેખનીય છે કે, આરોગ્યકર્મીઓ ત્રણ માંગોને લઇને આકરાપાણીએ છે. મુખ્ય ત્રણ માંગોને લઈને આરોગ્ય કર્મચારીઓ હડતાળ કરી રહ્યાં છે. જેમાં ટેક્નિકલ સંવર્ગ ગણીને ઉચ્ચતર પગાર ધોરણની આરોગ્ય કર્મીઓ માંગ કરી રહ્યાં છે. આ સાથે કોરોનાની કામગીરી દરમિયાન કરેલા કામોમાં રજા પગારની માંગ કરવામાં આવી રહી છે. તો બીજી બાજુ કોરોના વોરિયર્સ પણ ભથ્થાની માંગ કરી રહ્યાં છે. જોકે, છેલ્લા 47 દિવસથી રાજ્ય સરકાર ફ્રન્ટ લાઇન કોરોના વોરિયર્સ એવા આરોગ્ય કર્મચારીઓને મચક નથી આપી રહી. જેના કારણે હવે આરોગ્ય કર્મચારીઓ પોતાની માંગણીઓનો પરિપત્ર કરાવવા આક્રમક બન્યા છે. આથી આજે ગાંધીનગર ખાતે રાજ્યભરથી મોટી સંખ્યામાં કર્મચારીઓએ ગાંધી ચિધ્યામાર્ગે આંદોલનને વેગ આપ્યો છે. જે રીતે ગઈ કાલે સરકારે માલધારીઓના વિરોધને ધ્યાને લેતા ઢોર નિયંત્રણ કાયદો પાછો ખેંચ્યો શું તેવી જ રીતે આરોગ્યકર્મીની માગણીઓને લઇને સરકાર પોતાનું વલણ બદલશે તે હવે જોવું રહ્યું.