Bigg Boss 18 માં લાગશે ગ્લેમરનો તડકો? મેકર્સ વધુ એક વાઈલ્ડ કાર્ડ લાવવાની કરી રહ્યા છે તૈયારી!

• બિગ બોસ 18 માં નવો ટ્વિસ્ટ
• વેરોનિકા વનીજ કરશે વાઇલ્ડ કાર્ડ એન્ટ્રી?
• બિગ બોસ 18 માં વેરોનિકા વનીજની એન્ટ્રીથી મચશે ધમાલ!
• સલમાન ખાનની ફેન વેરોનિકા વનીજ બનશે બિગ બોસ 18 ની નવી ગ્લેમર ક્વીન?

Bigg Boss 18 : 'બિગ બોસ 18'માં એક મહિનામાં બે વાઇલ્ડ કાર્ડ એન્ટ્રી થઈ ચુકી છે, પરંતુ તેમના દ્વારા જે વાવાઝોડાની આશા દર્શકો રાખીને બેઠા હતા તે હવે બિલકુલ જોવા મળી રહ્યું નથી. આ વાતને ધ્યાનમાં રાખીને, મેકર્સ શોમાં વધુ ટ્વિસ્ટ લાવવા માટે એક વધુ વાઇલ્ડ કાર્ડ લાવવાનું વિચારી રહ્યા છે. હવે વાતો થઈ રહી છે કે, 'Bigg Boss 18'માં એક બોલિવૂડની જાણીતી સુંદરી એન્ટ્રી કરી શકે છે. શું છે તેનું નામ આવો જાણીએ આ આર્ટિકલમાં...

કોણ છે આ નવી વાઇલ્ડ કાર્ડ એન્ટ્રી?

ખબર આવી રહી છે કે, બોલિવૂડની અભિનેત્રી વેરોનિકા વનીજ 'Bigg Boss 18'માં વાઇલ્ડ કાર્ડ સ્પર્ધક તરીકે એન્ટ્રી કરી શકે છે. વેરોનિકા મ્યુઝિક વીડિયોથી લઈને ફિલ્મોમાં પણ કામ કરી ચૂકી છે. તેણે 'બંધ તિજોરી', 'જો હુકુમ મેરે આકા' અને 'સ્માર્ટફોન' જેવા પ્રોજેક્ટમાં કામ કર્યું છે. વેરોનિકા વનીજને પોતાની બોલ્ડ સ્ટાઈલ માટે ઓળખવામાં આવે છે. તેના ઈન્સ્ટાગ્રામ પર લાખો ફોલોઅર્સ છે, અને તે ઘણી બોલ્ડ તસ્વીરો અને વીડિયો પોસ્ટ કરતી રહે છે. આ કારણોસર, જો વેરોનિકા 'બિગ બોસ'નો ભાગ બને છે, તો તેની ફેન ફોલોઈંગ પણ બમણી થઈ શકે છે અને શો માં વધુ ટ્વિસ્ટ એન્ડ ટર્ન આવી શકે છે.

વેરોનિકા સલમાન ખાનની મોટી ફેન છે

વેરોનિકા, સલમાન ખાનની મોટી ફેન છે. આથી, તે 'બિગ બોસ 18'માં એન્ટ્રી કરે તો શોમાં મનોરંજન અને ગ્લેમર બમણા થઇ જશે. અત્યારે તો વેરોનિકા વનીજની 'બિગ બોસ'માં એન્ટ્રી અંગે ઓફિશિયલ પુષ્ટિ મળવાની બાકી છે. પરંતુ, જો તે શોનો ભાગ બને છે, તો તે ચોક્કસ 'બિગ બોસ 18'માં દર્શકોને મનોરંજનની સાથે ગ્લેમર પણ જોવા મળશે.

સારા ખાનની ધમાલે કન્ટેસ્ટન્ટને ચોંકાવ્યા

ઉલ્લેખનીય છે કે, ગત બે એપિસોડમાં સારા ખાનનો ગુસ્સો ઘરની અંદર રહેલા કન્ટેસ્ટન્ટ અને દર્શકોએ જોયો અને સૌ કોઇ તે જોઇ ચોંકા ગયા હતા. એક તરફ જ્યા રજત દલાલ વિવિયન અને અવિનાશને અપશબ્દો અને ધમકીઓ સાથે ટોણા મારતો જોવા મળે છે, ત્યા હવે મેકર્સે ઘરના એક મહત્વપૂર્ણ નિયમ એટલે કે હિંસાનો ભંગ કરવા બદલ એક સ્પર્ધકને બહાર નીકળવાનો દરવાજો બતાવ્યો હોવાનું સામે આવ્યું છે. આગામી અઠવાડિયામાં સમીકરણ બદલાતા જોવા મળશે. વાસ્તવમાં, બિગ બોસ 18 માંથી મેકર્સ દ્વારા જે સ્પર્ધકને બહાર ફેંકવામાં આવ્યો હતો તે અન્ય કોઈ નહીં પરંતુ અભિનેત્રી સારા અરફીન ખાન છે. આ સમાચાર પહેલા, મેકર્સે એક પ્રોમો શેર કર્યો હતો, જેમાં સારા એક ટાસ્ક દરમિયાન પોતાનો ગુસ્સો ગુમાવે છે અને ગુસ્સામાં પરિવારના સભ્યોને ધક્કો મારતી જોવા મળે છે. આ પછી તે બિગ બોસની પ્રોપર્ટીને નુકસાન કરતી જોવા મળે છે. પ્રોમોમાં સારા બેડશીટ અને તકિયા ફાડતી જોવા મળે છે. જ્યારે શિલ્પા શિરોડકર અને ચમ દરંગ તેમને રોકતા જોવા મળે છે.

આ પણ વાંચો:  Bigg Boss 18 માં આવ્યો મોટો ટ્વિસ્ટ! આ સ્ટ્રોંગ કન્ટેસ્ટન્ટ શો માંથી બહાર