બોલિવૂડમાં દાઉદનો ખોફ, આ અભિનેત્રીઓની કારકિર્દીનો આણ્યો હતો અંત!

દુનિયાના સૌથી મોટા દુશ્મન દાઉદ ઈબ્રાહિમને લઈને ઘણા સમાચાર આવી રહ્યા છે. એવું કહેવામાં આવી રહ્યું છે કે દાઉદને કોઈએ ઝેર આપ્યું છે અને તે હાલમાં પાકિસ્તાનની કરાચીની હોસ્પિટલમાં દાખલ છે. જ્યાં તેની હાલત નાજુક છે. પાકિસ્તાનના ઘણા મીડિયા અહેવાલોમાં દાવો કરવામાં આવ્યો છે કે દાઉદને ઝેર આપવામાં આવ્યું હતું, પરંતુ હજુ સુધી કોઈએ આ સમાચારની સત્તાવાર પુષ્ટિ કરી નથી. દાઉદે દુનિયાભરમાં આતંક ફેલાવ્યો છે, ત્યારે બોલિવૂડ પણ દાઉદની પકડમાંથી બચ્યું નથી. ઘણી હિરોઈનોના નામ સીધા દાઉદ સાથે જોડાયેલા હતા અને કેટલીક તેના સાગરિતો સાથે જોડાયેલા હતા. જાણો અત્યાર સુધી અંડરવર્લ્ડ સાથે કઈ કઈ સુંદરીઓ જોડાયેલી છે.

મમતા કુલકર્ણી

મમતા કુલકર્ણીનું નામ અંડરવર્લ્ડ સાથે એટલું જોડાઈ ગયું કે તેની આખી કારકિર્દી બરબાદ થઈ ગઈ. તેણે ડોન વિકી ગોસ્વામી સાથે લગ્ન કરીને તેની કારકિર્દી પર બ્રેક લગાવી દીધી. અભિનેત્રીની ડ્રગ્સના કેસમાં ધરપકડ પણ કરવામાં આવી હતી.

મંદાકિની
બોલિવૂડ એક્ટ્રેસ મંદાકિનીનું નામ પણ અંડરવર્લ્ડ સાથે જોડાયેલું છે. મંદાકિનીએ ફિલ્મ 'રામ તેરી ગંગા મૈલી' સાથે પોતાનો જાદુ ચલાવ્યો હતો પરંતુ બાદમાં અંડરવર્લ્ડ કનેક્શન્સ તેની કારકિર્દી પર ડાઘ સાબિત થયા હતા. એક મેચ દરમિયાન દાઉદ સાથે અભિનેત્રીનો ફોટો પણ વાયરલ થયો હતો. જોકે, અભિનેત્રીએ હંમેશા દાઉદ સાથેના તેના સંબંધોને નકારી કાઢ્યા છે.

મોનિકા બેદી
મોનિકા બેદીનું નામ અંડરવર્લ્ડ ડોન અબુ સાલેમ સાથે જોડાયેલું છે. અભિનેત્રીને પણ જેલમાં જવું પડ્યું. આ પછી મોનિકા જેલમાંથી બહાર આવી હતી પરંતુ તેનું ફિલ્મી કરિયર ખતમ થઈ ગયું હતું. જોકે તે સોશિયલ મીડિયા પર એક્ટિવ રહે છે.

અનિતા અયુબ
અભિનેત્રી અનિતા અયુબનું નામ પણ અંડરવર્લ્ડ સાથે જોડાઈ ચુક્યું છે. મીડિયા રિપોર્ટ્સ અનુસાર, એકવાર જાવેદ સિદ્દીકીએ અનીતાને ફિલ્મમાં લેવાનો ઇનકાર કર્યો તો દાઉદે તેની હત્યા કરી નાખી.

આ પણ વાંચો-આ ખાસ દિવસે આવશે MAHESH BABU ની ફિલ્મ GUNTUR KAARAM નું ટ્રેલર, ફિલ્મની રિલીઝ ડેટ પણ જાહેર