એક એવા હરિભક્ત, જેમનું જીવન પ્રમુખ સ્વામી મહારાજને મળી બદલાઇ ગયું

અમદાવાદમાં તૈયાર કરાયેલા અદભૂત સ્વામિનારાયણ નગર (Swaminarayan Nagar)ની મુલાકાતે અનેક હરિભક્તો આવી રહ્યા છે. આદિ અનાદી કાલથી કહેવાય છે કે સાચા સંતના સાનિધ્યમાં આવ્યા બાદ વ્યક્તિનું જીવન બદલાઈ જાય છે. આવો જ એક પ્રસંગ આણંદ ના એક વ્યક્તિ સાથે બન્યો અને પ્રમુખ સ્વામીના સાનિધ્યમાં આવ્યા તેમનું જીવન બદલાઈ ગયું.

ગ્રંથોમાં સાચા સંતો માટે અનેક વાતો કહેવામાં આવી છે. સાચા સંતોના સાનિધ્યમાં આવ્યા બાદ અનેક એવા ચમત્કારો થાય છે જે તમ ક્યારેય જીવનમાં કલ્પીના શકો.આવો જ એક ચમત્કારિક અનુભવ પ્રમુખ સ્વામીએ મળ્યા બાદ આણંદના નીતિનભાઈ પટેલને થયો હતો. નીતિન પટેલના અનુભવ વિશે જાણતા પહેલા આપને તેમના ભૂતકાળ વિશે જાણવું જોઈએ. 2007 પહેલાના નીતિન પટેલ નિકોટીનનું મોટા પ્રમાણમાં સેવન કરતા હતા..તેમને રોજ વ્યસન માટે  ચાર બંડલ બીડી, 40 થી વધુ પડીકી, 4 દેશી તંબાકુ ના પડીકા, 7 થી વધુ સિગારેટના પેકેટ જોઈતા હતા.આ તેમની રોજીંદી આદત હતી. તેઓ કેન્સર જેવી બીમારીના એકદમ નજીક હતા પરંતુ તેમના જીવનમાં એકાએક બદલાવ આવ્યો.

એ તારીખ હતી 25 ફેબ્રુઆરી, 2007 એ દિવસે પ્રથમ વખત નીતિનભાઈ પ્રમુખ સ્વામી મહારાજને મળ્યા અને એ દિવસથી એમનું જીવન બદલાયું.એ દિવસ બાદ કેવી રીતે એમનું વ્યસન છૂટ્યું એ પણ એમને ખબર નથી.આજે તેઓ નગરમાં એક દિવસનું આશરે 15 હજારથી વધુ લોકોને ભોજન કરાવે છે. નગર ખાતે ચાલી રહેલા સહજાનંદ કેન્ટીન ખાતે સ્વયંસેવકો અને હરિભક્તો માટે ભોજનની વ્યવસ્થાની સેવા તેઓ આપી રહ્યા છે. 

નીતિન પટેલ આજે પ્રમુખ સ્વામી મહારાજની તસવીર ડ્રો કરેલા વસ્ત્રો પરિધાન કરીને આવ્યા હતા. આ વસ્ત્રો આજે આકર્ષણનું કેન્દ્ર પણ બન્યા હતા. આ વસ્ત્રો તેમની પત્ની દ્વારા બનાવવામાં આવ્યા છે. જેમાં પ્રમુખ સ્વામી મહારાજની તસવીરની સાથે શતાબ્દી મહોત્વનો લોગો, ઉપરાંત માળા બનાવવામાં આવી છે. જે ઓરિજીનલ મોતીમાંથી બનાવાઈ છે.

આ પણ વાંચો--સ્વામિનારાયણ નગરની મુલાકાતે LinkedInના સિની.VP