અમેરિકાના રાષ્ટ્રપતિ બિડેન સ્ટેજ પરથી પડી ગયા, પગ રેતીની થેલીમાં ફસાઇ જતા ઘટી ઘટના

અહેવાલઃ રવિ પટેલ, ગુજરાત ફર્સ્ટ 

ગુરુવારે કોલોરાડોમાં યુએસ એર ફોર્સ એકેડેમીમાં ગ્રેજ્યુએશન સમારોહ દરમિયાન રાષ્ટ્રપતિ જો બિડેન ઠોકર ખાઈને પડી ગયા. વાસ્તવમાં, સર્ટિફિકેટ આપ્યા પછી, બિડેન જેમ આગળ વધ્યા, તેમનો પગ રેતીની થેલીમાં ફસાઈ ગયો અને તે પડી ગયા. જો કે, તેમના પડી ગયા પછી તરત જ તેમને એરફોર્સના અધિકારી તેમજ તેમની યુએસ સિક્રેટ સર્વિસના બે સભ્યો દ્વારા લેવામાં આવ્યા, તે ઝડપથી ઊભા થયા અને તેમની સીટ પર પાછા ગયા. પરંતુ, બિડેનના પડવાનો વીડિયો સોશિયલ મીડિયા પર વાયરલ થયો હતો.

બિડેને તેમને સેવા આપવા માટે પસંદ કરવા બદલ યુએસ એરફોર્સ એકેડેમીના સ્નાતકોનો આભાર માન્યો હતો. તેમણે કહ્યું કે હવે તેમની પાસે એવી દુનિયામાં નેતૃત્વ કરવાનો "મહાન વિશેષાધિકાર" છે જે આવનારા વર્ષોમાં વધુ મૂંઝવણભર્યો બનશે.

વ્હાઇટ હાઉસે કહ્યું, બિડેન સંપૂર્ણપણે સ્વસ્થ છે
વ્હાઇટ હાઉસે કહ્યું કે રાષ્ટ્રપતિ જો બિડેન પડી ગયા બાદ સ્વસ્થ છે. તે ઠોકર ખાઈ ગયા જ્યારે તે પોડિયમ પરથી પાછા ફરી રહ્યા હતા જ્યાંથી તેમણે અકાદમીના સ્નાતકોને સંબોધિત કર્યા. તેમણે સેંકડો કેડેટ્સને અભિનંદન પાઠવ્યા હતા અને પ્રમાણપત્રોનું વિતરણ કર્યું હતું. વ્હાઇટ હાઉસના સંચાર નિર્દેશક બેન લેબોલ્ટે ટ્વીટ કર્યું કે બિડેન સંપૂર્ણપણે ઠીક છે. હાથ મિલાવતી વખતે તે રેતીની થેલી સાથે અથડાઈને સ્ટેજ પર પડી ગયા.

માહિતી અનુસાર, જે પ્લેટફોર્મ પર બિડેન ઉભા હતા તેની પાસે રેતીથી ભરેલી બેગ મૂકવામાં આવી હતી, જે વીડિયોમાં જોઈ શકાય છે. પડી ગયા પછી રાષ્ટ્રપતિ કોઈપણ સહાય વિના તેમની બેઠક પર પાછા ગયા અને સમારંભ દરમિયાન ઉત્સાહિત દેખાતા હતા. મહત્વપૂર્ણ છે કે બિડેન 80 વર્ષના છે. આ પહેલા પણ બિડેનના ઠોકર ખાવા અને પડી જવાના સમાચાર સામે આવી ચૂક્યા છે. આ વર્ષે ફેબ્રુઆરીમાં, બિડેન પ્લેનની સીડીઓ ચડતી વખતે ઠોકર ખાઈને પડી ગયા હતા. પોલેન્ડની રાજધાની વોર્સોમાં એરફોર્સ વનમાં ચઢવા માટે સીડીઓ ચડતી વખતે બિડેન ઠોકર ખાઈને પડી ગયા હતા. જોકે, થોડીક સેકન્ડોમાં તેઓએ ખુદને સંભાળી લીધા હતા. આ ઘટનાનો વીડિયો પણ સામે આવ્યો હતો