ઓનલાઈન પ્લેટફોર્મ પર પણ જો ઇ-સિગરેટ વેચી તો ખેર નથી....

પોલીસની હુક્કાબાર પર કડક કાર્યવાહી કરતા, ગુનેગાર સોશિયલ મીડિયાનો સહારો લીધો છે. ઇન્સ્ટાગ્રામ પર પેજ બનાવી ઈ-સિગારેટ (E-Cigarettes) વેંચતા શખ્સની અમદાવાદ સાયબર ક્રાઇમ બ્રાંચ ધરપકડ કરી છે. અમદાવાદ સાયબર ક્રાઇમ બ્રાન્ચની ગિરફ્તમાં આવેલા આ શખ્સનું નામ છે સાજીલ શેખ.

અમદાવાદ સાયબર ક્રાઇમ બ્રાંચના (Ahmedabad Cyber Crime) ધ્યાને આવ્યું હતું કે કોઈ શખ્સ ઇન્સ્ટાગ્રામ પર પેજ બનાવી ને તેના પર નિકોટીન યુક્ત ઈ-સિગારેટના ફોટો રાખીને એક હજાર રૂપિયાથી લઇને 5 હજાર સુધીની ઈ-સિગારેટનું વેચાણ કરી રહ્યો છે જે ગેરકાયદેસર પ્રવૃતિ ધ્યાન એ આવતા અમદાવાદ સાયબર ક્રાઇમ બ્રાન્ચે ગ્રાહક બનીને ઈ-સિગારેટ ખરીદી કરવાનું છટકું ગોઠવીને સાજીલ શેખની ધરપકડ કરી લેવામાં આવી હતી.

સાયબર ક્રાઇમ બ્રાંચની પ્રાથમિક પૂછ પરછ માં સામે આવ્યું છે કે સાજીલ શેખ (Sajil Sheikh) આ નિકોટીન યુક્ત ઈ-સિગારેટ મુંબઈથી મંગાવતો હતો અને અમદાવાદમાં ઇન્સ્ટાગ્રામ પર વેચાણ કરી રહ્યો હતો ત્યારે વધુ પૂછપરછમાં એ પણ સામે આવ્યું છે કે આરોપીના ગ્રાહકોમાં ખાસ કરીને યુવક અને યુવતી સહિત કોફી કેફે શોપ, રેસ્ટોરન્ટના સંચાલક સંપર્કમાં હતા જેને વેચાણ કરી રહ્યો હતો ત્યારે અમદાવાદ સાયબર ક્રાઇમ બ્રાંચે ઈ-સિગારેટ ક્યાં થી લાવ્યો છે એ સહીતની વિગતો તપાસી રહી છે.

આ પણ વાંચો - રામોલમાં થયેલી લૂંટમાં રિક્ષા ચાલક સહિત ત્રણ પકડાયા, જાણો પ્લાન શું હતો