મહિલા મિત્રને મળવા ગયેલા યુવકનો નગ્ન વીડિયો ઉતારી માર મરાયો, જાણો શું છે મામલો

પાલનપુરના (Palanpur) એક ગામના યુવકને યુવતીએ ફોન કરી એક હોટલ પર બોલાવ્યો ત્યારે અજણાયા શખ્સ આવી યુવકને એક કારમાં અપહરણ (Kidnap) કરી નગ્ન વિડીયો (Video) બનાવી જાનથી મારી નાખવાની ધમકી (Threat) આપતા યુવકે પાલનપુર પશ્ચિમ પોલીસ (Palanpur West Police) મથકે ગુનો નોંધાવ્યો હતો.

પાલનપુર તાલુકાના ચડોતર ગામના અને હાલ પાલનપુર નવા લક્ષ્મીપુરા માં રહેતા રોહિતકુમાર સંજયભાઈ ઠાકોર 15 ફેબ્રુઆરીના સાંજના ચારેક વાગ્યે સુમારે કુટુંબી માસીના દીકરા વિનોદ ઠાકોર સાથે મલાણા ગામે કંકોત્રી આપવા નીકળ્યા હતા દરમિયાન આ બંને યુવકો પાલનપુરના ચિત્રાસણી નજીક પહોંચ્યા હતા ત્યારે તેમના મોબાઈલ ઉપર એક યુવતી નો ફોન આવેલ અને કહેલ કે હું પાલનપુર ડીસા હાઈવે પર આવેલી ઝાયકા હોટલ ઉપર આવેલ છું મારે તને મળવું છે.

જેથી આ બંને યુવકો પોતાની એકટીવા લઈને પાલનપુરની ઝાયકા હોટલ ખાતે પહોંચ્યા હતા દરમ્યાન રોહિત ઠાકોરે આવીને યુવતીને ફોન કર્યો ત્યારે યુવતીએ જણાવ્યું કે, હું મારી બહેનપણી ના સાથે ચાલતી ચાલતી પુલના છેડે ગઈ છું ત્યારે રોહિત ઠાકોર તે યુવતીને મળવા ગયો ત્યારે યુવતી હાજર ન મળતા  ફરી ફોન કર્યા ત્યારે યુવતીએ નાળા ની નીચે છું.

રોહિત ઠાકોર નાળા નીચે જતા સાતેક શખ્સઓ દોડી આવેલા અને અપશબ્દો તેમજ ગડદાપાટુનો માર મારવા લાગ્યા અને કહેવા લાગ્યા કે, તું અમારી સમાજની છોકરીઓને લઈને કેમ ફરે છે તેમ કહી આંખો ઉપર રૂમાલ બાંધી એક કારમાં બળજબરી પૂર્વક બેસાડી દાંતીવાડા ડેમ નજીક લઈ ગયેલા અને ત્યાં આવેલા શખ્સો ભેગા મળી રોહિત ઠાકોર ને માર માર્યો હતો.

આ શખ્સોએ કહ્યું કે, તું તારા કપડાં કાઢી નાખ તારો વિડીયો બનાવવો છે તેમ કહેતા રોહિત ઠાકોરે કહ્યું કે મારી પાસે શા માટે કપડાં કઢાવો છો તેમ કહેતા આ લોકો ફરીથી ગદડાપાટુનો માર મારવા લાગેલ ત્યારે એક વ્યક્તિના હાથમાં લોખંડની પાઇપ હતી જે લોકો તેનાથી મારી નાખવાની ધમકી આપતા હતા જેથી રોહિત ઠાકોર ડરી જઈને કપડા કાઢેલા હતા ત્યારબાદ તે લોકોએ રોહિત ઠાકોરનો વિડીયો ઉતાર્યો હતો અને કહેવા લાગેલ કે જો તું આ વાત કોઈને કહીશ તો આ તારો વિડીયો અમે વાયરલ કરી દઈશું તેવી ધમકી આ આપતા રોહિત ઠાકોર નામના યુવકે પાલનપુર પશ્ચિમ પોલીસ મથકે 24 ફેબ્રુઆરીએ ફરિયાદ નોંધાવી હતી.

પાલનપુરમાં થોડા દિવસ અગાઉ બનેલી ચકચારી આર્યન મોદી અપહરણ અને હત્યા કેસના આરોપી કુસ્કલ ગામના કલ્પેશ ગુડોલ અને પટોસણના સુરેશ કથરોટીયા નું રોહિત ઠાકોર નામના યુવકનું અપહરણ કેસમાં પણ નામ આવતા હડકંપ મચ્યો છે.

આ પણ વાંચો - પાલિકા એ ઉગાડયું કાળું સોનું, જાણો કઈ રીતે બનાવ્યું કુદરતી ખાતર