વેસ્ટ ઈન્ડિઝ-આયર્લેન્ડ વચ્ચે આજે કરો યા મરો જેવી સ્થિતિ, જે ટીમ હારશે તે થશે ઘર ભેગી

સ્કોટલેન્ડે પ્રથમ મેચમાં વેસ્ટ ઈન્ડિઝને હરાવ્યું હતું, પરંતુ પછીની મેચમાં વિન્ડીઝની ટીમે ઝિમ્બાબ્વેને હરાવીને વાપસી કરી હતી. વેસ્ટ ઈન્ડિઝના બોલરોએ ઘણું સારું પ્રદર્શન કર્યું હતું. ઝિમ્બાબ્વે સામે જોસેફે 4 ઓવરમાં 16 રન આપીને 4 વિકેટ ઝડપી હતી જ્યારે હોલ્ડરે 3 ઓવરમાં 12 રન આપીને 3 વિકેટ ઝડપી હતી. બીજી તરફ આયર્લેન્ડને પણ પ્રથમ મેચમાં ઝિમ્બાબ્વેએ પરાજય આપ્યો હતો, પરંતુ ટીમે બીજી મેચમાં સ્કોટલેન્ડને હરાવીને શાનદાર વાપસી કરી હતી. આયર્લેન્ડે ખૂબ જ નજીકની મેચમાં સ્કોટલેન્ડને 6 વિકેટે હરાવ્યું હતું. ટીમ માટે કર્ટિસ કેમ્ફે માત્ર 32 બોલમાં 72 રન બનાવ્યા હતા જ્યારે જ્યોર્જ ડોકરેલે 39 રન બનાવ્યા હતા. બંને ટીમો મેચ જીતીને સુપર 12મા પોતાનું સ્થાન નિશ્ચિત કરવા માટે મેદાન પર ઉતરશે.

હોબાર્ટના બેલેરીવ ઓવલ સ્ટેડિયમની પિચ પર બેટિંગ કરવી સરળ છે. બેટ્સમેન અહીં ઘણા રન બનાવી શકે છે. આ સાથે જ બોલરોને પણ ખૂબ જ સ્પીડ મળે છે અને મેદાન પર ઉછાળો આવે છે. સાથે જ મેદાન પર સ્કોરનો પીછો કરવો સરળ માનવામાં આવે છે. આ મેદાન પર ત્રણ T20 મેચોની વાત કરીએ તો પ્રથમ બેટિંગ કરીને ટીમે બે મેચ જીતી છે. પ્રથમ બોલિંગ કરતી વખતે, એક મેચ જીતવામાં આવી છે. આ મેદાન પર પ્રથમ બેટિંગ કરતા 170 રનનો સ્કોર થયો હતો.