આજે શ્રાવણ માસનો છે પ્રથમ સોમવાર, શિવ મંદિરે ભક્તોનું જોવા મળ્યું ઘોડાપૂર

દેવોના દેવ મહાદેવના દર્શનાર્થે સવારથી જ ભક્તો મંદિરે પહોંચી રહ્યા છે. પવિત્ર શ્રાવણ માસનો આજે પ્રથમ સોમવાર છે. હિંદુ ધર્મમાં શ્રાવણ માસનું અનેરૂં મહત્વ સમજાવવામાં આવ્યું છે. ત્યારે ગુજરાતમાં ઠેર ઠેર શિવાલયો હર હર મહાદેવના નાદથી ગુજી ઉઠ્યા છે. આજે સવારથી જ વાતાવરણમાં જાણે ભક્તિમય બન્યું હોય તેવું દેખાઇ રહ્યું છે. મહત્વનું છે કે, ગુજરાતમાં પ્રથમ જ્યોતિર્લિંગ ગણાતા સોમનાથ, રાજકોટ, ભાવનગર, જૂનાગઢમાં મહાદેવના દર્શન માટે ભક્તોની ભારે ભીડ જોવા મળી રહી છે. અહીં મોટી સંખ્યામાં લોકોએ આવી શિવલિંગ પર દૂધ,જળાભિષેક અને બીલીપત્ર ચઠાવી ભગવાન શિવની પૂજા કરી હતી. ભગવાન શિવને હિન્દુ ધર્મના સૌથી લોકપ્રિય દેવતાઓમાંના એક માનવામાં આવે છે. આ વર્ષે ગુજરાતી પંચાંગ મુજબ 29/07/2022 ને શુક્રવારના દિવસે પવિત્ર શ્રાવણ માસનો પ્રારંભ થયો હતો.