આમિરખાનની આ નિકટની વ્યક્તિએ કર્યુ છે ફિલ્મ 'પઠાણ'માં કામ, શું આપે કર્યુ નોટિસ ?

શાહરૂખ ખાનની ફિલ્મ પઠાણે પહેલા દિવસે બોક્સ ઓફિસ પર ધમાલ મચાવી દીધી છે. આ ફિલ્મે વિશ્વભરમાં 100 કરોડનું કલેક્શન કર્યું છે. શાહરૂખ ખાનની આ ફિલ્મે તેની રિલીઝની સાથે જ ઘણી ફિલ્મોના રેકોર્ડ તોડી નાખ્યા છે, પરંતુ શું તમે જાણો છો કે આમિર ખાનની બહેન નિખત ખાને પણ 'પઠાણ'માં કામ કર્યું છે. જો તમે ફિલ્મ જોતી વખતે ધ્યાન ન આપ્યું હોય, તો ચાલો તમને જણાવીએ. શાહરૂખ ખાન અને આમિર ખાન બોલિવૂડના સુપરસ્ટાર્સ છે, પરંતુ બંનેએ ક્યારેય કોઈ ફિલ્મમાં સાથે કામ કર્યું નથી. જોકે બંને ખૂબ સારા મિત્રો છે. શાહરૂખ ખાનની ફિલ્મ પઠાણમાં, નિખત ખાને તેની પાલક માતાની ભૂમિકા ભજવી છે, જે પઠાણના ઉછેર માટે કામ કરે છે. નિખત ખાન એક મજબૂત અભિનેત્રી છે. 'પઠાણ' સિવાય તેણે 'મિશન મંગલ', 'સાંડ કી આંખ' અને 'તાનાજીઃ ધ અનસંગ વોરિયર' જેવી ફિલ્મોમાં કામ કર્યું છે. આ સાથે તે 'સ્પેશિયલ ઑપ્સ 1.5', 'ફૌદા' વેબ સિરીઝનો ભાગ રહી ચૂકી છે.

શાહરૂખ ખાનની ફિલ્મ પઠાણે શરૂઆતના દિવસે 55 કરોડની કમાણી સાથે ઘણી ફિલ્મોને પછાડી દીધી છે. આ ફિલ્મમાં શાહરૂખ ખાન સિવાય જોન અબ્રાહમ, દીપિકા પાદુકોણ, આશુતોષ રાણા અને ડિમ્પલ કાપડિયા જેવા સ્ટાર્સે કામ કર્યું છે. આ ફિલ્મ 25 જાન્યુઆરીએ હિન્દીની સાથે તમિલ અને તેલુગુ ભાષાઓમાં પણ રિલીઝ થઈ છે.

ઉલ્લેખનીય છે કે,'પઠાણ' બાદ શાહરૂખ ખાન 'ડંકી' અને 'જવાન' જેવી ફિલ્મોમાં જોવા મળશે. આ ફિલ્મો આ વર્ષે સિનેમાઘરોમાં રિલીઝ થશે. જવાન  ફિલ્મને એટલી બનાવી રહ્યા છે, જ્યારે રાજકુમાર હિરાની 'ડંકી'ના ડાયરેક્ટર છે. શાહરૂખ અને રાજકુમાર હિરાનીએ ગયા વર્ષે આ ફિલ્મની જાહેરાત કરી હતી.

આ પણ વાંચોઃ  પઠાણ પહેલા, દેશભક્તિ પર આધારિત આ ફિલ્મોએ બોક્સ ઓફિસ પર કરી જબ્બર કમાણી, લિસ્ટ જોઈને તમે ચોંકી જશો