આ દિગ્ગજોને ગુજરાતના ચૂંટણીજંગમાં કરવો પડ્યો હારનો સામનો

ગુજરાત વિધાનસભાની ચૂંટણીમાં(Gujarat Assembly Elections) અનેક દિગ્ગજ નેતાઓ એવા છે જેઓ ખુબ આસાનીથી જીતી જશે તેવું અનુમાન લગાવાઇ રહ્યું હતું. પરંતુ તેમને જનતાએ હારનો સ્વાદ ચખાડ્યો છે.ચાલો નજર કરીએ કયા દિગ્ગજોને આ ચૂંટણીમાં પરાજયનો સ્વાદ ચાખવો પડ્યો છે. 

ખંભાળીયા બેઠક પર આમ આદમી પાર્ટી તરફથી તેના મુખ્યમંત્રીપદના ઉમેદવાર ઇસુદાન ગઢવી(Isudan Gadhvi) ચૂંટણી લડી રહ્યા હતા. જેમને પણ આ ચૂંટણીમાં હારનો સામનો કરવો પડ્યો છે. આમ આદમી પાર્ટી(AAP) જે ગુજરાતમાં સરકાર બનાવવાનો દાવો કરતી હતી. તેને બે આંકડામાં બેઠકો પણ મળી શકી નથી અને તેના મુખ્યમંત્રીપદના ઉમેદવાર જ ચૂંટણી હારી જતા આમ આદમી પાર્ટી માટે ભોંઠા પડવા જેવી સ્થિતિ થઇ છે. આ બેઠક પર ભાજપમાંથી મુળુભાઇ બેરા અને કોંગ્રેસમાંથી વિક્રમ માડમ મેદાનમાં હતા.  આ ત્રણેય પાર્ટીઓમાંથી ભાજપના ઉમેદવાર મુળુભાઇ બેરાએ જીત નોંધાવી છે. 

વાઘોડિયા બેઠક પર છેલ્લી છ ટર્મથી જીતતા આવતા દબંગ ધારાસભ્ય મધુ શ્રીવાસ્તવની હાર થઇ છે. આ બેઠક પર ભાજપમાંથી અશ્વિન પટેલ  મેદાનમાં હતા, તો  કોંગ્રેસમાંથી સત્યજિત ગાયકવાડ ચૂંટણી લડી રહ્યા હતા. જ્યારે  ધર્મેન્દ્રસિંહ વાઘેલા અને મધુ શ્રીવાસ્તવ બન્ને નેતાઓ અપક્ષ ચૂંટણી લડી રહ્યા હતા. આ બેઠક પર અપક્ષ ઉમેદવાર ધર્મેન્દ્રસિંહ વાઘેલાની જીત થઇ છે.આ બેઠક પર દિગ્ગજ નેતા ગણાતા મધુ શ્રીવાસ્તવને હારનો સામનો કરવો પડ્યો છે. 

અમરેલીથી પરેશ ધાનાણીની હાર