ભારત-દ.આફ્રિકાની પ્રથમ વનડે મેચના સમયમાં થયો ફેરફાર, હવે આ સમયે શરૂ થશે

લખનૌ (Lucknow)ના એકાના સ્ટેડિયમમાં આજે ભારત અને દક્ષિણ આફ્રિકા (India vs South Africa) વચ્ચે વનડે સીરીઝની પ્રથમ મેચ રમાશે. આ મેચમાં વરસાદ પડી શકે તેવી પૂરી સંભાવનાઓ છે. જેના કારણે આજે મેચની શરૂઆત પહેલા એક મોટો ફેરફાર કરવાનો નિર્ણય લેવામાં આવ્યો છે. મેચનો સમય બપોરે 1.30 કલાકનો હતો, અને ટોસનો સમય બપોરે 1 કલાકનો હતો, હવે બંનેનો સમય લંબાવવામાં આવ્યો છે.

દક્ષિણ આફ્રિકા વિરુદ્ધ T20 સીરીઝ જીત્યા બાદ ટીમ ઈન્ડિયા શિખર ધવન (Shikhar Dhawan)ના નેતૃત્વમાં વનડે સીરીઝ પણ જીતવા મેદાને ઉતરવાની છે. T20 વર્લ્ડ કપ ટીમના રિઝર્વ ખેલાડીઓની યાદીમાં સામેલ મિડલ ઓર્ડર બેટ્સમેન શ્રેયસ અય્યર (Shreyas Iyer) આ શ્રેણી માટે ટીમનો વાઇસ કેપ્ટન છે. જમણા હાથના ફાસ્ટ બોલર દીપક ચહર અને લેગ સ્પિનર ​​રવિ બિશ્નોઈ, જેઓ પણ રિઝર્વ ખેલાડીઓમાં સામેલ છે, તેઓ પણ આ ODI શ્રેણીની ટીમમાં સામેલ છે. ઓપનર શુભમન ગિલ આ સીરીઝમાં ધવન સાથે ઇનિંગ્સની શરૂઆત કરે તેવી શક્યતા છે. 

ક્રિકેટ સાઉથ આફ્રિકાના ઓફિશિયલ ટ્વિટર એકાઉન્ટ પરથી કરવામાં આવેલા ટ્વીટ અનુસાર, મેચ અને તેના માટેનો ટોસ હવે તેના નિર્ધારિત સમય કરતા અડધો કલાક મોડો શરૂ થશે. જેનો અર્થ છે કે પહેલા જે મેચ બપોરે 1.30 વાગ્યે શરૂ થવાની હતી તે હવે 2 વાગ્યાથી શરૂ થશે. સાથે જ એક વાગ્યાના બદલે હવે દોઢ વાગ્યે ટોસ થશે.

આ પણ વાંચો - મિશન વર્લ્ડ કપ માટે રવાના થઇ ટીમ ઈન્ડિયા, બુમરાહના સ્થાને કોણ શું હજુ નથી લેવાયો નિર્ણય?