મોટી મઉં દેવપર રોડ પર વેપારી સાથે બનેલી લુટની ઘટનાનો ભેદ ઉકેલાયો

માંડવી તાલુકાના મોટી મઉં  દેવપર  રોડ પર વેપારી સાથે બનેલી લુટની ઘટનાનો ભેદ પોલીસે ઉકેલીને ચાર આરોપીઓની ધરપકડ કરી છે. જાણવા મળતી વિગતો મુજબ તા. 31-12ના વેપારી મોટી મઉથી દેવપર પીપરમેન્ટ બિસ્કીટ અને પાન મસાલા દુકાનનો સામાન વહેંચી ટેમ્પો લઈ પરત જતા હતા ત્યારે ચાર અજાણ્યા ઈસમો  બે બાઈક સાથે આવીને ફરિયાદીના ટેમ્પો આગળ રાખી અને છરી બતાવી રોકડ 80,351ની લૂંટ કરી જાનથી મારી નાખવાની ધમકી આપીને નાસી ગયા હતા.

આ બનાવમાં ભાવિનભાઈ મણિશંકર નાકર રહેવાસી બાગએ ગઢસીસા પોલીસ મથકે ફરિયાદ નોંધાવી હતી. આ બનાવમાં પોલીસે વોચ ગોઠવીને આજે માંડવી  મુદ્રા વિસ્તારમાં માંડવીના સમીર ઈબ્રાહીમ કુંભાર, ફૈજલ ગફુરભાઈ મેમણ, ફૈજલ નોષાદભાઈ ભટ્ટી, આસિફ ઓસમાણ કુંભારની ધરપકડ કરવામાં આવી છે તેઓ પાસેથી રોકડ 22,500, બે બાઇક, મોબાઈલ નંગ ચાર કિંમત રૂપિયા 20 હજાર સહિતનો મુદ્દામાલ કબ્જે કરવામાં આવ્યો છે.

આ પણ વાંચો - ભચાઉ શહેર નજીક આવેલી લેબર કોલોનીમાં પરપ્રાંતિય શ્રમજીવીનું મોત થતા મર્ડરની આશંકા