સામાન્ય જનતાના શરૂ થયા ખરાબ દિવસ, આજે સતત બીજા દિવસે પેટ્રોલ-ડીઝલના ભાવમાં ભડકો

આજે ફરી એકવાર સરકારી ઓઈલ કંપનીઓએ પેટ્રોલ અને ડીઝલમાં પ્રતિ લીટર 80 પૈસાનો વધારો કર્યો છે. આ પહેલા મંગળવારે પણ પેટ્રોલ અને ડીઝલના ભાવમાં 80-80 પૈસાનો વધારો કરવામાં આવ્યો હતો. આ વધારા બાદ આજે દિલ્હીમાં ડીઝલની કિંમત 88.27 રૂપિયા પ્રતિ લીટર થઈ ગઈ છે. વળી, પેટ્રોલની કિંમત વધીને 97.01 પ્રતિ લીટર થઈ ગઈ છે. જ્યાં મુંબઈમાં પેટ્રોલ 111.67 રૂપિયા પ્રતિ લીટર અને ડીઝલ 95.85 રૂપિયામાં વેચાઈ રહ્યું છે.

નવા દર મુજબ આજે પણ દેશનું સૌથી સસ્તું પેટ્રોલ પોર્ટ બ્લેરમાં 84.30 રૂપિયા પ્રતિ લીટરના ભાવે વેચાઈ રહ્યું છે, જ્યારે ડીઝલ પણ અહીં 78.52 રૂપિયા પ્રતિ લીટરના ભાવે વેચાઈ રહ્યું છે. વળી, ભોપાલ, જયપુર, પટના, કોલકાતા, ચેન્નાઈ અને બેંગલુરુમાં પેટ્રોલનો ભાવ 100 રૂ.થી વધુ છે. દેશનું સૌથી મોંઘુ પેટ્રોલ અને ડીઝલ રાજસ્થાનના શ્રીગંગાનગરમાં છે. અહીં એક લીટર પેટ્રોલની કિંમત 113.87 રૂપિયા અને ડીઝલની કિંમત 96.91 રૂપિયા છે.