સુદામા મંદિરનો ૮ વર્ષથી બંધ જૂનો દરવાજો ખોલવા વેપારીઓની માંગ

પોરબંદર (Porbandar) શહેરના સુદામા ચોક વિસ્તારમાં કૃષ્ણ સખા સુદામાનું એકમાત્ર મંદિર આવેલ હોવાથી દરરોજ હજારો યાત્રાળુઓ મંદિરની મુલાકાતે આવે છે. ત્યારે પોરબંદરના મુખ્ય બજારના વેપારીઓએ સુદામા મંદિરનો જૂનો અને મુખ્ય દ્વાર ખોલવા મામલતદારને રજૂઆત કરવામાં આવી છે. જો આ દરવાજો ખુલશે તો વેપારીઓને વ્યાપારીક લાભ મળશે. 

રાષ્ટ્રપિતા મહાત્મા ગાંધીજી તથા કૃષ્ણ સખા સુદામાની ભૂમિ પોરબંદરમાં હજારો પ્રવાસીઓ અને યાત્રાળુઓ મુલાકાત આવે છે. હાલ શિયાળાની સિઝન ચાલી રહી છે ત્યારે ગાંધી જન્મસ્થળ ખાતે દુર દુરથી દેશ-વિદેશના પર્યટકો પણ મુલાકાત આવે છે. આ પર્યટકો કૃષ્ણ સખા સુદામાના મંદિરની પણ મુલાકાત લે છે. સામાન્ય દિવસોમાં પણ સુદામાજીના મંદિરે યાત્રાળુઓની અવર જવર રહે છે. સુદામા મંદિરના કુલ ત્રણ દરવાજા આવેલા છે. એક દરવાજો સુદામાચોક તરફ તો બીજો દરવાજો હરીશ ટોકીઝના પાછળના ભાગે તો ત્રીજો અને જૂનો દરવાજો જે એટીમ વાળા રસ્તા પર ખુલ્લે છે. આ ત્રણ દરવાજામાના માત્ર એક જ દરવાજો ખુલ્લો હોવાથી વેપારીઓને વ્યસાયિક નુકશાન થઇ રહ્યું છે. ત્યારે આ દરવાજો ખોલવા વેપારીઓએ મામલતદારને લેખીતમાં રજૂઆત કરી છે. 

રજૂઆતમાં જણાવ્યા મુજબ સુદામાજી મંદિર પાસે ઘણા વર્ષોથી દુકાન રાખી વ્યવસાય કરીએ છીએ. પોરબંદર શહેરના સુદામાજી મંદિરનો જૂનો અને મુખ્ય દરવાજો કે જે તમારી દુકાનોની સામે આવેલ છે તે અંદાજે છેલ્લા ૭થી ૮ વર્ષથી બંધ છે. જેથી અમારી દુકાનની સામે આવેલ મુખ્ય દરવાજો બંધ હોવાથી આવતા જતા પ્રવાસીઓ સાથે વ્યવસાયનો વ્યાપારીક લાભ મળતો નથી. જેથી વેપારીઓની માગ છે કે સુદામા મંદિરનો જૂનો (મુખ્ય) દરવાજો વહેલી તકે ખોલવામાં આવે. 

આ પણ વાંચો--સાવલીના લસુન્દ્રા પંથકમાં કેનાલો તૂટેલી, સમસ્યાનો નિકાલ કરવા માગ