રખડતા ઢોરની સમસ્યામાંથી મુક્તિ અભિયાનનો કેબીનેટ મંત્રીની ઉપસ્થિતિમાં શુભારંભ કરાયો

સમગ્ર રાજ્યમાં રખડતાં પશુઓના ત્રાસમાંથી લોકોને મુક્તીતી અપાવવા માટે રાજ્ય સરકાર દ્વારા મહત્વપૂર્ણ નિર્ણય લેવામાં આવ્યો છે.ત્યારે આજે મોરબીથી રખડતા આખલાઓના ખસીકરણ માટે જાહેર કરાયેલ ખાસ ઝુંબેશનો પશુપાલન મંત્રી રાઘવજી પટેલ દ્વારા પ્રારંભ કરાવવામાં આવ્યો છે.

રખડતા આખલાઓ ખસીકરણ ઝુંબેશનો મોરબી થી પ્રારંભ કરાયો છે ત્યારે પશુપાલન મંત્રી રાઘવજી પટેલની ઉપસ્થિતિમાં મોરબીની યદુનંદન ગૌશાળા ખાતેથી આ ઝુંબેશની શરૂઆત કરવામાં આવી છે. તેમજ પશુપાલનમંત્રી દ્વારા મોરબીની તમામ સેવાકીય સંસ્થાઓ, ગૌશાળાઓને આ ઝુંબેશમાં સાથ સહકાર આપવા અનુરોધ કરાયો છે. તેમજ લોકો દ્વારા પણ સરકારના પગલાને આવકારવામાં આવી રહ્યો છે.તેમજ આગામી સમયમાં આ ઝુંબેશ માં સરકાર દ્વારા જરૂરી નિર્ણયો પણ લેવામાં આવશે અને ખસીકરણ કરેલ આખલાઓ ને રાખવા માટે  સંસ્થાઓને રાજ્યસરકાર તરફથી આખલા દીઠ પ્રતિદિન 30 રૂપિયાની સહાય ચુકવવામાં આવશે તેવું પશુપાલન મંત્રી દ્વારા જણાવવામાં આવ્યું હતું.

ત્યારે મોરબી માળિયાના ધારાસભ્ય કાંતિલાલ અમૃતિયાએ જણાવ્યું હતું કે મોરબીમાં તમામ સંસ્થાઓએ સાથે મળીને આ ઝુંબેશને સફળ બનાવવાની છે અને સરકારની ઝુંબેશમાં સહભાગી થવાનું છે તેમજ ખસીકરણ કરેલ આખલાઓ ને સંસ્થાઓને પણ મોરબીના તમામ લોકોએ યથાશક્તિ મુજબ અનુદાન આપવું જોઈએ જેથી ખસીકરણ કરાયેલ રખડતા ઢોરનો સેવાકીય સંસ્થાઓ સારી રીતે નિભાવ કરી શકે અને વધુમાં વધુ આખલાઓનુ ખસીકરણ કરી ને તેમને યોગ્ય જગ્યા મોકલી શકાય તે માટે દરેક સંસ્થાઓ અને લોકોનો સહયોગ જરૂરી છે.

કૃષિ મંત્રી રઘવજીભાઈ પટેલ ,મોરબી માળિયા ધારાસભ્ય કાંતિલાલ અમૃતિયા,પૂર્વ મંત્રી બ્રિજેશ ભાઈ મેરજા,પૂર્વ મંત્રી જયંતીભાઈ કવાડીયા સહિત મોરબી જિલ્લાના પશુપાલન વિભાગ ના અધિકારીઓ તેમજ મોરબીની યદુનંદન ગૌશાળા અને મોરબી પાંજરાપોળ તેમજ અન્ય સંસ્થાઓ ના અગ્રણીઓ ઉપસ્થિત રહ્યા હતા.

ઉલ્લેખનીય છે કે, સમગ્ર રાજ્યમાં રખડતા ઢોરની સમસ્યાએ વિકરાળ સ્વરૂપ ધારણ કર્યું હતુ. ત્યારે આ સમસ્યાનો ઉકેલ આખલા-ખુંટનું ખસીકરણ કરી તેને સંસ્થાને સોપવા જોઈએ તેવું સુચન મોરબીના ધારાસભ્ય કાન્તીભાઈ અમૃતિયાએ કેબીનેટ મંત્રી રાઘવજીભાઈ પટેલને આપ્યું હતું. જે સોનેરી સૂચન મુખ્યમંત્રી ભૂપેન્દ્ર પટેલને પણ ગમ્યું હતું અને કેબીનેટમાં વિચાર મુક્ત કેબિનેટે મંજુરી આપતા યોજના અમલી બની છે. આમ મોરબીના ધારાસભ્યએ મહા વિકરાળ સમસ્યાના કાયમી ઉકેલ માટે સૂચન આપ્યું હતું.

આપણ  વાંચો- ઝૂલતા પુલના મૃતક પરિજનોને સાંત્વના આપવાનું સુદ્ધાં ચૂકેલા જયસુખ પટેલ એ આગોતરા જામીન માંગ્યા !