થરવાસા રેલવે ફાટક 3 દિવસ બંધ રાખવાનો લેવાયો નિર્ણય, આ છે વૈકલ્પિક રૂટ, જાણો

ડભોઇ (Dabhoi) પાસે રેલ્વે ક્રોસિંગ નંબર એક પાસે રેલ્વે ક્રોસિંગ મેન્ટેનન્સની (Maintenance) કામગીરી ચાલું રહેવાની છે. ત્યારે તારીખ 11મી ફેબ્રુઆરી સવારનાં 10 વાગ્યાથી 13મી ફેબ્રુઆરી રાતનાં 8 વાગ્યા સુધી આ રેલ્વે ક્રોસિંગ ઉપર વાહન વ્યવહાર બંધ રહેશે તેવું જાહેરનામું કલેકટર દ્વારા જાહેર જનતાની જાણ માટે પ્રસિધ્ધ કરાયું છે.ફાટક મુક્ત અભિયાન હેઠળ બ્રિજનું કામ ચાલી રહ્યું છે.

     

કલેકટર દ્વારા આ માર્ગ ઉપરથી પસાર થનાર વાહનો માટે વૈકલ્પિક માર્ગનો ઉપયોગ કરવાનો રહેશે તેમ જાહેર કરાયું છે. વાહનચાલકોને મુશ્કેલી ઊભી ન થાય તે માટે કલેકટર દ્વારા અગાઉથી જ આ જાહેરનામું બહાર પાડી દેવામાં આવ્યું છે. જેથી મુશ્કેલીઓ સામનો કરવો પડે નહીં.

ડભોઈ - કરજણ માર્ગ ઉપરથી પસાર થતાં અંદાજિત 10,000 જેટલા વાહનોને સીધી અસર પડશે ત્યારે  વાહન વ્યવહારને આ બે દિવસ દરમ્યાન સરીતા ફાટક એલ.સી.નં 19 એક્ષ - ફરતીકૂઈ - નડા - મોટાહબીપુરા - અબ્દુલ્લાપુરા અથવા થુવાવી - વખતપુરા- મંડાળા તરફ અથવા ડભોઈ રાજલી ત્રણ રસ્તાથી, રાજલી - રાજલી - અંગુઠણ - છત્રાલ - કાયાવરોહણ તરફ ડાયવર્ટ કરવામાં આવ્યો છે જેની જાહેર જનતાએ નોંધ લેવાની રહેશે તેમ જાહેરનામા દ્રારા વાહનચાલકોને સૂચિત કરાયાં છે.કરજણ ભરૂચ સુરત જનારા વાહનોને વડોદરા રોડ ઉપર ડાયવર્ઝન આપવામાં આવ્યું.

આ પણ વાંચો - પાલતું કુતરા પર ટેક્સ વસૂલશે વડોદરા મહાનગરપાલિકા, લોકોએ કહ્યું - આ બીલકુલ ગેરવ્યાજબી વાત છે, નિર્ણય સ્થગિત કરો