મેવાતમાં ભયંકર અકસ્માત, ટ્રક પલટી જતાં ઓટોમાં સવાર 7 લોકોના ઘટનાસ્થળે જ મોત, 4 ગંભીર

Haryana | 7 died,
4 people got injured after a truck collided with an auto in
Mewat

"The injured have been admitted to
hospital. Further investigation is being done," says Police
Inspector, Dayanand pic.twitter.com/IElGDt6pXP

—
ANI (@ANI) July
22, 2022

પ્રાપ્ત માહિતી અનુસાર, આ અકસ્માત નગીના પુનહાના રોડ પર મધિયાકી
ગામ પાસે થયો હતો. જણાવવામાં આવી રહ્યું છે કે ટ્રક અને ઓટો વચ્ચે ટક્કર થઈ હતી.
જે બાદ બંને રોડની નીચે ખાડામાં પડી ગયા હતા. ટ્રક ઓટોની ઉપર પલટી ગઈ હતી. આ
ઘટનામાં ઓટોમાં સવાર સાત લોકોના ઘટનાસ્થળે જ મોત થયા હતા. મૃતકોમાં બે મહિલાઓ પણ
હોવાનું કહેવાય છે.

પોલીસ અધિકારી દયાનંદે સમાચાર એજન્સી એએનઆઈને માહિતી આપી હતી કે
અકસ્માતમાં 4 લોકો ગંભીર રીતે ઘાયલ પણ થયા છે. તેમને એમ્બ્યુલન્સની મદદથી સારવાર
માટે નલહદ મેડિકલ કોલેજ નુહમાં દાખલ કરવામાં આવ્યા છે. પોલીસ
અધિકારીના જણાવ્યા અનુસાર, એક મહિલા અને ચાર પુરૂષોના મૃતદેહને
પુનાના હોસ્પિટલમાં રાખવામાં આવ્યા છે. જ્યારે એક મહિલા અને એક પુરુષના મૃતદેહને પલવલ
હોસ્પિટલમાં રાખવામાં આવ્યા છે. અકસ્માત પાછળના કારણો હજુ સુધી જાણવા મળ્યા નથી.
પોલીસ અધિકારીએ જણાવ્યું કે આ મામલે તપાસ ચાલી રહી છે. બીજી તરફ અકસ્માત બાદ ટ્રક
ચાલક ઘટનાસ્થળેથી ફરાર થઈ ગયો છે.