ટીમ ઈન્ડિયાએ જીત્યો ટોસ, પહેલા બોલિંગનો કર્યો નિર્ણય

આપને જણાવી દઇએ કે, બીજી મેચમાં વરસાદ ભારતીય ટીમના વિજય અભિયાનમાં અવરોધ બની શકે છે. જીહા, સવારથી જ એવા અહેવાલો મળી રહ્યા છે કે શુક્રવારથી પડી રહેલો સતત વરસાદ આજે(શનિવાર) મેચને અસર કરી શકે છે. મેચ પહેલા હિમાચલ પ્રદેશમાં હવામાન ખૂબ જ ખરાબ છે. રાજધાની શિમલામાં હિમવર્ષા થઈ રહી છે. આ સાથે જ અનેક જિલ્લાઓમાં તોફાની પવન પણ ફૂંકાઈ રહ્યા છે અને સાથે મુશળધાર વરસાદ પણ થઈ રહ્યો છે. રાજ્યમાં વરસાદ માટે યલો એલર્ટ જારી કરવામાં આવ્યું છે. હવામાન વિભાગના જણાવ્યા અનુસાર, ધર્મશાળામાં દિવસભર વરસાદની સંભાવના છે. આવી સ્થિતિમાં બીજી T20 મેચ વરસાદને કારણે ધોવાઈ શકવાની સંભાવનાઓ વધુ છે.