ભુજની માઇન સ્ટોનની ખાણમાં 50 ફૂટ ઉપરથી પથ્થરો પડતા ચાર દટાયા, ત્રણે ઘટનાસ્થળે જીવ ગુમાવ્યો, એક ગંભીર

ભુજ તાલુકાના ખાવડા નજીકના  મોટા પૈયા ગામની સિમમાં આજે શુક્રવાર સાંજે 6.30ની આસપાસ માઇન સ્ટોનની ખાણમાં પથ્થર તોડવાની ચાલી રહેલી કામગીરી દરમિયાન 40થી 50 ફૂટ ઊંચા ડુંગર પરથી  પથ્થરો તૂટીને નીચે રહેલા બે હિટાચી મશીન અને ત્રણ ટ્રક ઉપર પડતા તમામ વાહનો 20થી 30 ફૂટ જેટલા મલબા તળે દબાઈ જવા પામ્યા છે. આ દુર્ઘટનામાં અત્યાર સુધીમાં 3 લોકોના પથ્થરના મલબા તળે દબાઈ જવાથી મૃત્યુ નિપજ્યા હોવાનું જાણવા મળ્યું છે. જ્યારે તે પૈકી એક મધ્યપ્રદેશના અશોકકુમાર પટેલ નામના શ્રમજીવીનો મૃતદેહ બહાર કાઢવામાં આવ્યો છે. જ્યારે અન્ય બેના સબ હજુ મલબા હેઠળ દબાયેલા પડ્યા છે.

આપણ  વાંચો-વાહન અકસ્માતોને અટકાવવા પોરબંદર ટ્રાફિક પોલીસની અકસ્માત જાગૃતિ ઝૂંબેશ