રસોડામાં રહેલી આ વસ્તુઓ તમારી સ્કીનને આપશે ચમત્કારીક પરિણામ

ભારતીય ભોજનના વિદેશીઓ પણ દિવાના છે. ભારતના રસોડામાં એવા એવા મસાલાઓનો ઉપયોગ કરવામાં આવે છે જે તમારા ભોજનનો સ્વાદ વધારી દે છે. પણ શું તમે જાણો છો આ મસાલા માત્ર ટેસ્ટ જ નથી વધારતા તેનો ઉપયોગ તમારી સ્કીનની પણ સંભાળ રાખી શકે છે. હળદર, ઇલાયચી, કાળા મરીનો ઉપયોગ સ્કીન કેર માટે થાય છે તે તો આપણે જાણીએ છીએ પણ શું તમે જાણો છો કે તજને પણ ખૂબ અસરકારક માનવામાં આવે છે. ત્વચાની ઘણી સમસ્યાઓને દૂર કરવા માટે તેને ઘરગથ્થુ ઉપચાર માનવામાં આવે છે.

વાસ્તવમાં, રસોડામાં આવી ઘણી વસ્તુઓ ઉપલબ્ધ છે, જેના ચમત્કારી ગુણો લોકો નથી જાણતા. એક ચપટી તજના ઉપયોગથી તમે ન માત્ર ત્વચાનો રંગ નિખારી શકો છો પણ ડાઘ-ધબ્બા પણ દૂર કરી શકો છો. જો તમે હજી સુધી તેનો ઉપયોગ કર્યો નથી તો આને વાંચ્યા બાદ તેનો ઉપયોગ આપ જરૂર કરશો. કેટલાક લોકો તેનો ઉપયોગ ઘરે ફેશિયલ માટે પણ કરે છે.

તજમાં વિવિધ પ્રકારના વિટામિન્સ અને મિનરલ્સ હોય છે. આ સિવાય આ મસાલામાં ભરપૂર માત્રામાં એન્ટીઓક્સીડેન્ટ હોય છે, જે ત્વચા માટે ખૂબ જ ફાયદાકારક કહેવાય છે. ચાલો જાણીએ કે કઈ રીતે તેનો ઉપયોગ કરી શકાય છે.

ખીલથી છુટકારો મેળવવા માટે તજનો ઉપયોગ કરી શકાય છે. આ માટે એક બાઉલમાં 1/4 ચમચી તજ પાવડર લો અને તેમાં મધ મિક્સ કરો. તેમાંથી પેસ્ટ બનાવો અને પછી તેને ખીલવાળી જગ્યા પર લગાવો. લગાવ્યા બાદ તેને 10 મિનિટ માટે આમ જ રહેવા દો અને પછી હૂંફાળા પાણીથી ચહેરો ધોઈ લો. વધુ સારા પરિણામો માટે દરરોજ આ પદ્ધતિ અજમાવો.

વૃદ્ધત્વના સંકેતને ટાળવા માટે મસાજ ખૂબ જ મહત્વપૂર્ણ છે. મસાજની અસરને વધારવા માટે તમે તજનો ઉપયોગ કરી શકો છો. આ માટે એલોવેરા જેલમાં 1/4 ચમચી તજ પાવડર મિક્સ કરો. હવે આનાથી ચહેરા પર સારી રીતે મસાજ કરો અને પછી 5 મિનિટ માટે આ રીતે રહેવા દો. ત્યાર બાદ ટુવાલને ભીનો કરી લો. રાત્રે સૂતા પહેલા આ ઉપાય અજમાવો. તમને થોડા દિવસોમાં જ ફરક દેખાશે.

જો ચહેરા પર ખીલના કારણે ડાઘા પડી ગયા છે, તો તમે તજથી બનેલો ફેસ પેક લગાવી શકો છો. આ માટે અડધી ચમચી તજ પાવડર લો અને તેમાં દહીં મિક્સ કરો. આ બંને ચીજને સારી રીતે મિક્સ કર્યા પછી, ચહેરા પર લગાવો અને પછી તેને 15 મિનિટ માટે છોડી દો. 15 મિનિટ પછી ચહેરાને ઠંડા પાણીથી ધોઈ લો. અઠવાડિયામાં બે થી ત્રણ વાર આ ફેસ પેક લગાવો.

ઢીલી ત્વચા માટે તમે તજનો ફેસ પેક બનાવી શકો છો. આ માટે ઈંડાનો સફેદ ભાગ કાઢી લો અને હવે તેમાં 1 ચમચી તજ પાવડર મિક્સ કરો. હવે તેને તમારા ચહેરા પર લગાવો અને પછી તેને 10 મિનિટ માટે રહેવા દો. તે 10 મિનિટમાં સૂકવવા લાગશે, ત્યારબાદ પાણીથી ચહેરો ધોઈ લો.

તજની પ્રકૃતિ ગરમ છે, તેથી તેનો સમજદારીપૂર્વક ઉપયોગ કરો. તૈલી અથવા સંવેદનશીલ ત્વચા ધરાવતા લોકો માટે તે સમસ્યા બની શકે છે. તેથી, જો તમે ઇચ્છો તો, શરૂઆતમાં તેને ચહેરા પર લગાવતા પહેલા, તેને હાથ અથવા પગની ત્વચા પર લગાવો. જો નકારાત્મક અસર દેખાતી ન હોય તો તેને ચહેરા પર લગાવો.તો રાહ શેની જુઓ છો આજે જ અપનાઓ આ ઉપાય અને જુઓ તેના ચમત્કારીક ફાયદા.