લો બોલો! હવે આ જ બાકી રહ્યું હતું, લંડનમાં ભારતીય ખેલાડી તાનિયા ભાટિયાના રૂમમાં થઇ ચોરી

ભારતીય મહિલા ટીમ (Indian Women Team) એ ત્રણ મેચની T20I શ્રેણીમાં ઈંગ્લેન્ડ (England) ને 3-0થી હરાવ્યું હતું. આ શ્રેણીની છેલ્લી મેચમાં ભારતીય મહિલા ટીમે 16 રને જીત મેળવી હતી. પરંતુ આ શ્રેણીનો અંત વિવાદો સાથે થયો છે. આ સિરીઝની છેલ્લી મેચમાં દીપ્તિ શર્મા (Dipti Sharma) એ ચાર્લી ડીનને રન આઉટ (Run Out) કરી, ત્યારબાદ સોશિયલ મીડિયા પર નિવેદનોનો સિલસિલો ચાલી રહ્યો છે. પરંતુ આ દરમિયાન આ સિરીઝ ખતમ થયા બાદ વધુ એક હંગામો સાંભળવા મળ્યો છે. 

ભારતીય મહિલા ટીમનો ઈંગ્લેન્ડ પ્રવાસ સફળ રહ્યો હતો. ટીમે ઈંગ્લેન્ડને તેના જ ઘરઆંગણે 3-0થી હરાવીને ઝુલન ગોસ્વામી (Jhulan Goswami) ને શાનદાર વિદાય આપી છે. ઝુલનને તેની અંતિમ આંતરરાષ્ટ્રીય મેચ ઈંગ્લેન્ડ સામે લોર્ડ્સમાં રમી હતી. વાત જો સિરીઝની અંતિમ મેચની થાય તો તેમા દીપ્તિ શર્મા દ્વારા ચાર્લી ડીનને રન આઉટ કરવાનો મામલો ખૂબ જ વિવાદમાં છે. આ દરમિયાન તાનિયા ભાટિયાએ હોટલમાં સામાન ચોરી કરવાનો આરોપ લગાવ્યો છે. મહિલા ટીમની ખેલાડી તાનિયા ભાટિયા (Tania Bhatia) એ સોમવારે ટ્વિટર પર લંડન (London) માં તેની હોટલના રૂમમાંથી તેની બેગ ચોરાઈ હોવાની માહિતી આપી હતી. 

તાનિયા ભાટિયાએ ટ્વીટ કર્યું, "મેરિયોટ હોટેલ લંડન મેડા વેલે મેનેજમેન્ટથી આઘાત અને નિરાશ. ભારતીય મહિલા ક્રિકેટ ટીમના એક ભાગ તરીકે ત્યાં રોકાણ દરમિયાન કોઈ મારા ખાનગી રૂમમાં ઘૂસી ગયું અને રોકડ, કાર્ડ, ઘડિયાળો અને ઘરેણાં લઈ ગયું અને તેની ચોરી કરી. વધુમાં તેણે જણાવ્યું કે ખૂબ જ અસુરક્ષિત. 

આ પણ વાંચો - ટીમ ઈન્ડિયાના આ ત્રણ ખેલાડીઓ ટીમમાંથી બહાર, દક્ષિણ આફ્રિકા સામે નહી રમે