સંસદમાં સુપ્રિયા સુલે સાથેની વાતચીતના વાયરલ વીડિયો પર શશિ થરુરે કહ્યું કે....

કોંગ્રેસના વરિષ્ઠ નેતા અને તિરુવનંતપુરમના લોકસભા સાંસદ શશિ થરૂર સોશિયલ મીડિયા પર ચર્ચામાં છે.  લોકસભામાં રાષ્ટ્રવાદી કોંગ્રેસ પાર્ટી (NCP) સાંસદ સુપ્રિયા સુલે સાથે શશિ થરૂરની વાતચીતનો એક વીડિયો વાયરલ થઈ રહ્યો છે.

shashi tharoor reactson viral video of him conversation with supriya sule 

વાયરલ વીડિયોમાં નેશનલ કોન્ફરન્સના સાંસદ ફારૂક અબ્દુલ્લા લોકસભામાં પોતાનું ભાષણ આપી રહ્યા છે. આ સમય દરમ્યાન સુપ્રિયા સુલે અને શશિ થરૂર તેમની પાછળ કોઈ મુદ્દા પર વાત કરતા જોવા મળે છે. આ 45 સેકન્ડનો વાયરલ વીડિયો પુષ્પા ફિલ્મના શ્રીવલ્લીની ટ્યુન પર તૈયાર કરવામાં આવ્યો છે અને શેર કરવામાં આવી રહ્યો છે. સુપ્રિયા સુલે સાથેની વાતચીતનો વીડિયો વાયરલ થયા બાદ શશિ થરૂરે ગુરુવારે ટ્વીટ કરીને સ્પષ્ટતા કરી હતી. તેમણે કહ્યું કે તેઓ અને NCP સાંસદ નીતિ વિષયક પ્રશ્ન પર ચર્ચા કરી રહ્યા હતા.

થરૂરે ટ્વીટ કર્યું, "જે લોકો લોકસભામાં મારી અને સુપ્રિયા સુલે વચ્ચેની ટૂંકી વાતચીતનો આનંદ લઈ રહ્યાં છે, હું જણાવવા માંગુ છું કે તેઓ મને નીતિ સંબંધિત પ્રશ્ન પૂછી રહ્યા હતા, કારણ કે તેઓ આગામી સ્પીકર હતા.તેણે વધુમાં કહ્યું કે સુપ્રિયા ધીરે ધીરે બોલી રહી હતી જેથી ફારુક સાહેબ (તે સમયના વક્તા)ને પરેશાન ન થાય. હું સુપ્રિયાની વાત સાંભળવા નમ્યો.

અન્ય એક ટ્વીટમાં કોંગ્રેસ નેતા થરુરે  અમર પ્રેમ ફિલ્મનું ગીત લખી સુપ્રિયાને ટેગ કર્યું છે ટ્વિટમાં લખ્યું કે, કુછ તો લોગ કહેંગે, લોગોંકા કામ હૈ કહેના....