UPમાં ભાજપની જીત પર સંજય રાઉતે માયાવતી અને ઓવૈસીને 'ભારત રત્ન' આપવાની કરી માંગણી

આ સાથે સંજય રાઉતે પંજાબમાં ભાજપની હાર પર પણ સવાલો ઉઠાવ્યા છે. તેમણે કહ્યું, "તમે અમને વારંવાર કહો છો કે, યુપીમાં શિવસેનાને કેટલી સીટો મળી? યુપીમાં કોંગ્રેસ અને શિવસેનાની જે હાર મળી તેના કરતા પણ પંજાબમાં તમારી હાલત ખરાબ થઈ ગઈ છે. આ અંગે દેશને કંઈક માર્ગદર્શન આપો. ચિંતાનો વિષય છે. પંજાબની જનતાએ ભાજપને સંપૂર્ણપણે નકારી કાઢી છે જે એક રાષ્ટ્રીય પક્ષ છે. વડા પ્રધાન મોદી, ગૃહમંત્રી અને સંરક્ષણ મંત્રીએ ત્યાં જોરદાર પ્રચાર કર્યો, છતા ભાજપ કેમ હારી ગઇ?

સંજય રાઉતે આ સંદર્ભમાં વધુમાં કહ્યું કે, "ભાજપ 4 રાજ્યોમાં જીત્યું છે. અમને ચિંતા કરવાની કોઈ જરૂર નથી, અમે તમારી ખુશીનો ભાગ છીએ. ભાજપના નેતાઓએ જણાવવું જોઈએ કે, ઉત્તરાખંડના મુખ્યમંત્રી ચૂંટણી કેમ હારી ગયા? ગોવામાં તો 2 નાયબ મુખ્યમંત્રી હારી ગયા. સૌથી ચિંતાજનક મુદ્દો પંજાબનો છે, જ્યા ભાજપ જેવી રાષ્ટ્રવાદી પાર્ટીને સંપૂર્ણપણે નકારી કાઢવામાં આવી છે." યુપીમાં AIMIM ને અડધા ટકા (0.49%) વોટ પણ નથી મળ્યા. નિષ્ણાતોનું માનવું છે કે, મુસ્લિમ મતો સીધા સપા તરફ ગયા છે. સપાના ઘણા ઉમેદવારોએ મુસ્લિમ બહુમતી ધરાવતા વિધાનસભા મતવિસ્તારોમાં જીત નોંધાવી છે. યુપીના મુસ્લિમ મતદારોએ ઓવૈસીને તેમના નેતા તરીકે સ્વીકારવાનો સર્વસંમતિથી ઇનકાર કર્યો છે.