રાફેલ નડાલ ફ્રેન્ચ ઓપનની ફાઇનલમાં પહોંચ્યો, જન્મ દિવસે કરી કમાલ

રાફેલ નડાલ ફ્રેન્ચ ઓપનની ફાઇનલમાં પહોંચી ગયો છે. નોવાક જોકોવિચને હરાવીને સેમિફાઈનલમાં પહોંચેલા નડાલે સેમીફાઈનલમાં ઈજાગ્રસ્ત ઝવેરેવનો સામનો કર્યો હતો. બીજા સેટ દરમિયાન એલેક્ઝાન્ડર ઝ્વેરેવને પગમાં ઈજા થઈ હતી અને પછી તેણે મેચમાંથી હટી જવાનો આકરો નિર્ણય લીધો હતો.

આજે પોતાનો 36મો જન્મદિવસ ઉજવી રહેલો રાફેલ નડાલ શુક્રવારે તેની 14મી ફ્રેન્ચ ઓપનની ફાઇનલમાં પહોંચ્યો હતો. ઝવેરેવ અને નડાલ વચ્ચે ફ્રેન્ચ ઓપનની રોમાંચક સેમીફાઈનલ રમાઈ રહી હતી. જોકે ચાહકોને પણ આશા નહોતી કે આ મેચ આ રીતે સમાપ્ત થશે. ઝ્વેરેવ અને નડાલ વચ્ચેની રમત, જે ત્રણ કલાકથી વધુ સમય સુધી ચાલી હતી, તે 7-6 (10/8), 6-6 થી હતી, જ્યારે ઝવેરેવને ઈજાના કારણે વ્હીલચેરમાં બેસીને કોર્ટમાંથી બહાર જવાની ફરજ પડી હતી.

સામાન્ય રીતે આ રીતે, ખેલાડી ઘાયલ થયા પછી, ખેલાડીઓ કોર્ટ છોડીને આગળ વધે છે. પરંતુ રાફેલ નડાલ કોર્ટ પર રહીને ઝવેરેવ સાથે વાત કરતો જોવા મળ્યો હતો, ચાહકો નડાલના આ પગલાને ખૂબ પસંદ કરી રહ્યા છે અને તેની ખેલદિલીના વખાણ પણ કરી રહ્યા છે.