વાજતે ગાજતે પોલીસે કરાવ્યા મૂકબધિર યુગલના લગ્ન, PIએ આપ્યું કન્યાદાન

આર્થિક તંગીને પગલે પ્રભુતામાં પગલા પાડવા માટે અસમર્થ મુધિર યુગલના સપ્તપદીના ફેરા ફરવાનું સ્વપ્ર અંતે સુરત (Surat)શહેરની રાંદેર પોલીસ (Rander Police)દ્વારા પુરૂં કરવામાં આવ્યું છે,અભ્યાસ દરમ્યાન એકબીજાના સંપર્કમાં આવેલા મુકબધિર યુવક અને યુવતી છેલ્લા ઘણા સમયથી લગ્નગ્રંથિથી જોડાવવા ઈચ્છતા હતા. જો કે, તેઓની આર્થિક સ્થિતિ આ સ્વપ્ર પુરૂં કરવામાં અવરોધક સાબિત થતાં યુવતી દ્વારા SHE ટીમનો સંપર્ક કરવામાં આવ્યો હતો. જેના ભાગરૂપે આજે રાંદેર પોલીસ દ્વારા આ યુગલના ભવાનીશંકર મહાદેવ મંદિરમાં ધામધૂમથી વિવાહ કરાવવામાં આવ્યા હતા.

સુરત શહેરના પાલનપુર પાટિયા ખાતે રહેતી ૧૯ વર્ષીય યુવતી સુમન વિસાવેદ અને પાંડેસરા ખાતે રહેતા ૨૨ વર્ષીય ચિરાગ પટેલની પહેલી મુલાકાત મુકબધિર શાળામાં થઈ હતી. પહેલી મુલાકાત બાદ આ બન્ને પ્રેમી પંખીડાઓ એકમેકના પ્રેમમાં પડ્યા હતા અને આજીવન સાથે રહેવાનો કોલ કર્યો હતો. જો કે, પરિવારજનોની મરજી સાથે લગ્નગ્રંથિથી જોડાવવા માટે તૈયાર આ બન્ને યુગલની આર્થિક સ્થિતિ ન હોવાને કારણે છેલ્લા ઘણા સમયથી લગ્નના અરમાનો પુરા થઈ રહ્યા ન હતા. આ દરમ્યાન સમગ્ર પ્રકરણ અંગે સુરત પોલીસ કમિશનર દ્વારા શરૂ કરવામાં આવેલી એક વિશેષ શાખા સી ટીમનો સંપર્ક કરવામાં આવ્યો હતો. 

જ્યાં યુવતી સુમન દ્વારા સમગ્ર હકીકત જણાવતાં મહિલા પોલીસના મમતાબેન દ્વારા રાંદેર પીઆઈ અતુલ સોનારાનો સંપર્ક કરવામાં આવ્યો હતો. એક તરફ ચુંટણીની દોડા દોડી અને બીજી તરફ આ યુગલના અરમાનો પુરા કરવા માટે રાંદેર પોલીસ પણ કોઈ કચાસ બાકી રાખવા માંગતી ન હતી. અલબત્ત, ચુંટણી પુરી થતાં જ વાજતે – ગાજતે આ બન્ને યુગલને પ્રભુતામાં પગલાં અને અલ્પ સખ્યક સમુદાય ના સમાવેશ થઈ શકે, તેવા અહેવાલો પાડવા માટે રાંદેર પોલીસ દ્વારા તડામાર તૈયારીઓ કરવામાં આવી હતી

આપણ વાંચો- બીજા તબક્કાના મતદાન માટે તમામ પાર્ટીઓના ચૂંટણી પડઘમ આજે થશે શાંત