પાકિસ્તાનમાં અમેરીકાના દુતાવાસના સ્ટાફ પર હુમલાનું એલર્ટ, બિનજરૂરી મુસાફરી ટાળવા સુચના

પાકિસ્તાનમાં અમેરિકી દૂતાવાસના કર્મચારીઓ પર હુમલાને લઈને એલર્ટ જાહેર કરવામાં આવ્યું છે. સુરક્ષા એજન્સીઓના એલર્ટ બાદ સંભવિત હુમલાને કારણે અમેરીકાની સરકારી કર્મચારીઓને ઈસ્લામાબાદની મેરિયટ હોટલમાં જતા અટકાવવામાં આવ્યા હતા. અમેરિકી દૂતાવાસ દ્વારા જાહેર કરવામાં આવેલા સુરક્ષા એલર્ટમાં જણાવવામાં આવ્યું છે કે, વેકેશન દરમિયાન ઈસ્લામાબાદની મેરિયટ હોટેલમાં અમેરિકનો પર હુમલાનું ષડ્યંત્ર રચવામાં આવી રહ્યું છે.

અમેરિકી દૂતાવાસના કર્મચારીઓને ચેતવણી જારી કરતા અમેરિકન સરકારે કહ્યું કે, એવી માહિતી મળી છે કે અજાણ્યા વ્યક્તિઓ રજાઓ દરમિયાન ઈસ્લામાબાદની મેરિયટ હોટેલમાં અમેરિકનો પર હુમલો કરવાનું ષડ્યંત્ર રચી રહ્યાં છે. તેથી, ઈસ્લામાબાદ સ્થિત એમ્બેસીના તમામ અમેરિકન કર્મચારીઓને તાત્કાલિક અસરથી ઈસ્લામાબાદની મેરિયટ હોટેલની મુલાકાત લેવાથી અટકાવી રહી છે.

અમેરીકન એમ્બેસી દ્વારા હેલ્પ લાઈન નંબર પણ જાહેર કરવામાં આવ્યા છે. ઈસ્લામાબાદ, લાહોર, કરાચી, પેશાવર તમામ સ્થળો માટે નંબર જારી કરવામાં આવ્યા છે.

આ સિવાય અમેરિકન દૂતાવાસના કર્મચારીઓને જાહેર સમારોહમાં જવા પર પ્રતિબંધ મુકવામાં આવ્યો છે. અમેરિકાએ એમ્બેસી સ્ટાફ માટે સુરક્ષાની ચિંતાઓને ટાંકીને રેડ એલર્ટ જાહેર કર્યું છે. દૂતાવાસે કર્મચારીઓને રજાઓ દરમિયાન ઈસ્લામાબાદની બિન-જરૂરી અને અનૌપચારિક મુસાફરી ટાળવા અપીલ કરી છે. એમ્બેસીએ તેના કર્મચારીઓને કાર્યક્રમો, પૂજા સ્થાનો પર સતર્ક રહેવા અને મોટી ભીડવાળી જગ્યાઓથી દૂર રહેવા જણાવ્યું હતું.

આ પણ વાંચો - નેપાળમાં બનશે નવી સરકાર, પ્રચંડ બનશે વડાપ્રધાન, શું પડશે ભારત પર તેની અસર? જાણો