શું તમને ખબર છે 136 કરોડની આબાદીમાંથી દેશમાં કેટલા લોકો Income Tax ભરે છે ? સરકારે સંસદમાં જાહેર કર્યો આંકડો

શું તમે જાણો છો કે દેશમાં કેટલા લોકો આવકવેરો ભરે છે ? તો અમે તમને જણાવીએ કે 2020-21ના મૂલ્યાંકન વર્ષ એટલે કે 2019-20 નાણાકીય વર્ષમાં કુલ 8,13,22,263 લોકોએ આવકવેરો ભર્યો છે. નાણામંત્રી નિર્મલા સીતારમણે સંસદમાં આ
માહિતી આપી છે. રાજ્યસભાના સાંસદ અનિલ દેસાઈ દ્વારા સંસદમાં પૂછવામાં આવેલા પ્રશ્નના
જવાબમાં નાણાપ્રધાને જણાવ્યું હતું કે 8,13,22,263 વ્યક્તિઓમાં હિન્દુ અવિભાજિત પરિવારો (HUF),  વ્યક્તિઓનું સંગઠન, વ્યક્તિઓની સંસ્થા, ફર્મ્સ, સ્થાનિક સત્તાવાળાઓ, કૃત્રિમ ન્યાયિક વ્યક્તિઓ જેમણે આવકવેરો ચૂકવ્યો છે અને આવકવેરા
રિટર્ન ફાઇલ કર્યું છે. નાણામંત્રીએ કહ્યું કે આકારણી વર્ષ 2020-21 મુજબ દેશમાં કુલ 136,30,06,000ની વસ્તીમાંથી કુલ 8,22,83,407 કરદાતાઓ છે.

આ 8,22,83,407 કરદાતાઓમાં એવા લોકોનો પણ સમાવેશ થાય
છે જેમણે આવકવેરો અને કોર્પોરેટ ટેક્સ ચૂકવ્યો છે અને આકારણી વર્ષ માટે આવકવેરા
રિટર્ન ફાઇલ કર્યું છે. ઉપરાંત એવા લોકો પણ છે જેમનો TDS કપાઈ ગયો છે
પરંતુ કરદાતાએ આવકવેરા રિટર્ન ફાઈલ કર્યું નથી. જ્યારે સરકારને
પૂછવામાં આવ્યું કે શું આવા લોકોની ઓળખ કરવામાં આવી છે જેઓ ટેક્સના દાયરામાં આવે
છે પરંતુ ટેક્સ ભર્યો નથી, તો નાણામંત્રીએ કહ્યું કે સરકારે
નોન-ફાઈલર્સ, મોનિટરિંગ સિસ્ટમ (NMS) લાગુ કરી છે. જેના દ્વારા આવા લોકોની ઓળખ કરવામાં આવે છે. જેમણે ઉચ્ચ
મૂલ્યના વ્યવહારો કર્યા છે પરંતુ આવકવેરા રિટર્ન ફાઇલ કર્યા નથી. અત્યાર સુધી નોન
ફાઇલર્સ મોનિટરિંગ સિસ્ટમ (NMS) ની 10 સાયકલ ચલાવવામાં આવી છે. નાણામંત્રીએ કહ્યું કે વધુ લોકોને કરવેરા
હેઠળ લાવવા માટે આવકવેરા વિભાગે
આવક અને વ્યવહારોના આધારે પ્રોજેક્ટ ઇનસાઇટ શરૂ કરી છે. પ્રોજેક્ટ ઇનસાઇટ ત્રણ ધ્યેયો
પર ધ્યાન કેન્દ્રિત કરે છે. સ્વૈચ્છિક પાલનને પ્રોત્સાહન આપવું, બિન-અનુપાલનને અટકાવવું અને લોકોને કર ચૂકવવા માટે પ્રેરિત કરવું.

આ સિવાય ઉચ્ચ મૂલ્યના વ્યવહારો માટે PAN નંબર આપવો ફરજિયાત છે. ઉપરાંત લોકો ITR ફાઇલ કરવા માટે, આવકવેરા કાયદામાં એવા લોકો પાસેથી વધુ ટેક્સ વસૂલવાની જોગવાઈ કરવામાં
આવી છે કે જેમણે સતત બે વર્ષથી આવકવેરા રિટર્ન ફાઈલ કર્યું નથી અને જેમની પાસેથી 50,000
રૂપિયાથી વધુનો TDS લેવામાં આવ્યો છે.