અમેરિકામાં એકવાર ફરી ગોળીબાર, 3 લોકોના મોત, રાષ્ટ્રપતિ બાઇડેન આ ઘટનાઓ રોકવામાં નિષ્ફળ

અમેરિકામાં એકવાર ફરી ગોળીબારની ઘટના સામે આવી છે. મળી રહેલી માહિતી અનુસાર, એક માથાભારે શખ્સે બંદૂકથી અંધાધૂંધ ગોળીબાર કર્યો અને આ ગોળીબારમાં 3 લોકોના મોત થયા છે. અમેરિકામાં સામૂહિક ગોળીબારની આ નવીનતમ ઘટના મેરીલેન્ડ રાજ્યમાં બની છે. 

મહત્વનું છે કે, મેરીલેન્ડ શહેર સ્મિથ્સબર્ગમાં એક મેન્યુફેક્ચરિંગ પ્લાન્ટમાં સામૂહિક ગોળીબારમાં ત્રણ લોકોના મોત થયા છે. મેરીલેન્ડના ગવર્નર લેરી હોગનના જણાવ્યા અનુસાર, ગુરુવારે સ્મિથ્સબર્ગમાં એક મેન્યુફેક્ચરિંગ પ્લાન્ટમાં ગોળીબારમાં ત્રણ લોકો માર્યા ગયા હતા અને આ ગોળીબારમાં એક સૈનિક ઘાયલ થયો હતો. સીએનએનએ અહેવાલ આપ્યો કે ગવર્નરે કહ્યું કે તેઓ શૂટરનું સ્થાન જાણતા નથી. મીડિયા રિપોર્ટ્સ અનુસાર, શૂટરે મેન્યુફેક્ચરિંગ ફેસિલિટીમાં ગોળીબાર કર્યો હતો, જે ઉત્તરી મેરીલેન્ડમાં સોલમ્બિયા મશીનરી ફેક્ટરી છે. આ શહેર બાલ્ટીમોર શહેરથી માત્ર 75 માઈલ દૂર છે. વોશિંગ્ટન કાઉન્ટી શેરિફ ઓફિસે કહ્યું કે સુરક્ષા કર્મચારીઓએ હુમલાખોરને મારી નાખ્યો છે. વોશિંગ્ટન કાઉન્ટી શેરિફ ઓફિસે જણાવ્યું હતું કે ગોળીબાર ગુરુવારે બપોરે 2.30 વાગ્યે ડાઉનટાઉન બાલ્ટીમોરથી લગભગ 75 માઇલ દૂર સ્મિથ્સબર્ગમાં કોલંબિયા મશીનમાં થયો હતો. 

ઉલ્લેખનીય છે કે, અમેરિકામાં સતત ગન કલ્ચર વધી રહ્યું છે. છેલ્લા ઘણા સમયથી આ પ્રકારની ઘટનામાં મોટી સંખ્યામાં લોકોએ પોતાનો જીવ ગુમાવ્યો છે. બીજી તરફ અમેરિકાના રાષ્ટ્રપતિ ફિલ્મી ડાયલોગ મારતા જોવા મળે છે. આ પહેલા ગત મહિને અમેરિકાના ટેક્સાસમાં એક સ્કૂલમાં અંધાધૂંધ ગોળીબારમાં 18 વિદ્યાર્થીઓ અને ત્રણ શિક્ષકો સહિત 23 લોકોના મોત થયા હતા. આ હત્યાકાંડથી આખું અમેરિકા હચમચી ગયું હતું. રાષ્ટ્રપતિના આદેશથી આગામી ચાર દિવસ માટે શોકની જાહેરાત કરવામાં આવી હતી. બીજી તરફ અમેરિકી રાષ્ટ્રપતિ જો બાઇડેને આ ઘટનાને લઈને દેશને સંબોધન કર્યું હતું. આ ઘટનાને નરસંહાર ગણાવતા તેમણે પોતાના સંબોધનમાં દર્દને કાર્યમાં પરિવર્તિત કરવાની વાત કરી હતી. પરંતુ એવું લાગી રહ્યું છે કે, તેમના દ્વારા કરવામાં આવી રહેલી કાર્યવાહીમાં કોઇ ખાસ દમ નથી. જો તેઓ હોત તો ફરી આવી ઘટના ન બની શકી હોત. 

આ પણ વાંચો - અમેરિકામાં આ શું થઇ રહ્યું છે? હવે આ વિસ્તારમાં થયું ફાયરિંગ, બંદૂકધારી સહિત 4ના મોત