વિશ્વ યોગ દિવસ પૂર્વે ITBPએ હિમાલયમાં 22 હજારથી વધુ ઉંચાઇ પર યોગ કરી બનાવ્યો રેકોર્ડ

ITBP પર્વતારોહકોની 14 સભ્યોની ટીમે 1 જૂન, 2022ની આસપાસ બરફની સ્થિતિ વચ્ચે 20 મિનિટ સુધી યોગનો અભ્યાસ કર્યો અને અત્યાર સુધીના કોઇપણ વ્યક્તિ દ્વારા સૌથી વધુ ઉંચાઈવાળા વિસ્તારમાં યોગ અભ્યાસ સત્રને રેકોર્ડ કર્યું. ITBP પર્વતારોહકો દ્વારા આ એક દુર્લભ પ્રયત્ન હતો અને તેની ઉંચાઈ પર અત્યંત ઉંચાઇ સાથે યોગાભ્યાસ અગાઉ ક્યારેય જોયો નથી. વળી આ પહેલા ITBPના કેટલાક અધિકારીઓએ ઉત્તરાખંડ હિમાલયમાં 15,000 ફૂટની ઊંચાઈએ યોગ કર્યા હતા. યોગ કરતા આ હિમવીરોની તસવીરો અને વિડીયો ITBPના સત્તાવાર ટ્વિટર હેન્ડલ પર શેર કરવામાં આવી હતી. 29 એપ્રિલના રોજ ITBPના ટ્વિટર હેન્ડલ પર યોગ સત્રમાં ભાગ લેતા ITBP જવાનોનો એક વિડીયો શેર કરવામાં આવ્યો હતો. 

આંતરરાષ્ટ્રીય યોગ દિવસ પર વડા પ્રધાનના વિઝન અને આ વર્ષની થીમ - 'માનવતા માટે યોગ' થી પ્રેરિત થઈને, ITBP પર્વતારોહકોએ આટલી ઊંચાઈએ યોગનો અભ્યાસ કર્યો અને લોકોને યોગના વિવિધ આસનોનો અભ્યાસ કરીને ફિટ રહેવાનો સંદેશ આપ્યો. આ ઊંચાઈઓ પર પ્રતિકૂળ પરિસ્થિતિઓમાં આ તેમના પ્રકારનો આ અનોખો રેકોર્ડ છે. વર્ષોથી, ITBP એ હિમાલયની ટોચની પર્વતમાળાઓ પર યોગ આસનો કરીને યોગને પ્રોત્સાહન આપવા માટે ઘણી પહેલ કરી છે. ITBPના જવાનો લદ્દાખ, હિમાચલ પ્રદેશ, ઉત્તરાખંડ, સિક્કિમ અને અરુણાચલ પ્રદેશ સહિત ભારત-ચીન સરહદો પર વિવિધ ઊંચાઈની હિમાલયની રેન્જમાં સૂર્ય નમસ્કાર સહિત વિવિધ આસનો અને વિવિધ યોગાસનો કરીને યોગના પ્રચારમાં અનુકરણીય યોગદાન આપી રહ્યા છે.