ન્યૂઝીલેન્ડની 15 સભ્યોની ટીમ વર્લ્ડ કપ માટે તૈયાર, બે નવા ખેલાડીઓને મળી તક

ન્યૂઝીલેન્ડે મંગળવારે (20 સપ્ટેમ્બર) T20 વર્લ્ડ કપ 2022 (T20 World Cup 2022) માટે 15 સભ્યોની ટીમની જાહેરાત કરી છે. ફિન એલન (Finn Allen) અને માઈકલ બ્રેસવેલ (Michael Bracewell) બે નવા ચહેરાઓને તક મળી છે, બાકીના 13 ખેલાડીઓ એ જ છે જે 2021 T20 વર્લ્ડ કપની ફાઇનલમાં પહોંચ્યા હતા. જણાવી દઈએ કે, 23 વર્ષીય એલેને તેના પ્રદર્શનથી ખૂબ જ પ્રભાવિત કર્યા છે. તેની ટૂંકી કારકિર્દીમાં તેણે T20 ઈન્ટરનેશનલ સદી પણ ફટકારી છે.

ન્યૂઝીલેન્ડે આગામી T20 વર્લ્ડ કપ માટે તેની 15 ખેલાડીઓની ટીમની જાહેરાત કરી છે. ઓસ્ટ્રેલિયામાં આવતા મહિને શરૂ થનારી ICC ટૂર્નામેન્ટ માટે કેન વિલિયમસનને ટીમની કમાન સોંપવામાં આવી છે. 2021ની ફાઇનલિસ્ટ ન્યૂઝીલેન્ડે ગયા વર્ષની ટીમમાં ત્રણ ફેરફારો કર્યા છે. ઝડપી બોલર લોકી ફર્ગ્યુસન, માઈકલ બ્રેસવેલ અને ફિન એલનને કાઈલ જેમિસન, ટોડ એસ્ટલી અને ટિમ સેફર્ટની જગ્યાએ ટીમમાં સામેલ કરવામાં આવ્યા છે. સેન્ટ્રલ કોન્ટ્રાક્ટમાંથી બહાર રહેલા ન્યૂઝીલેન્ડના ફાસ્ટ બોલર ટ્રેન્ટ બોલ્ટ અને ઓલરાઉન્ડર જિમી નીશમને પણ ટીમમાં જગ્યા મળી છે.

આ પણ વાંચો - યુસુફ પઠાણ એકવાર ફરી બન્યો વિરોધી ટીમ માટે કાળ, ટીમને ફરી જીત અપાવી