12 વર્ષમાં 16 લાખ લોકોએ ભારતીય નાગરિકતા છોડી, ગયા વર્ષે સૌથી વધારે લોકોએ છોડી નાગરીકતા, જાણો આંકડાઓ

બજેટ સત્ર (Budget Session) દરમિયાન કેન્દ્ર સરકારે રાજ્યસભામાં મોટી માહિતી આપી. જણાવવામાં આવ્યું કે છેલ્લા 12 વર્ષમાં 16 લાખથી વધુ ભારતીયોએ તેમની ભારતીય નાગરિકતા છોડીને અન્ય દેશની નાગરિકતા લીધી છે. પ્રશ્નકાળ દરમિયાન એક પ્રશ્નના જવાબમાં વિદેશ મંત્રી એસ જયશંકરે (S Jaishankar) આ માહિતી આપી. તેમણે કહ્યું કે 2011થી અત્યાર સુધીમાં 16 લાખથી વધુ ભારતીયોએ તેમની નાગરિકતા છોડી દીધી છે. તેમાંથી બે લાખ (2,25,620) થી વધુ લોકોએ ગત વર્ષ 2022માં નાગરિકતા છોડી દીધી હતી.

2011                            1,22,819

2012                            1,20,923

2013                            1,31,405

2014                            1,29,328

2015                            1,31,489

2016                            1,41,603

2017                            1,33,049

2018                            1,34,561

2019                            1,44,017

2020                               85,256

2021                            1,63,370

2022                            2,25,620

વિદેશ મંત્રી એસ. જયશંકરે જણાવ્યું કે, આ રીતે વર્ષ 2011થી અત્યાર સુધીમાં દેશની નાગરીકતા છોડનારાઓની સંખ્યા 16,63,440 થઈ ગઈ છે. જયશંકરે તે 135 દેશોની યાદી પણ આપી જેની નાગરિકતા ભારતના લોકોએ લીધી છે. તેની સાથે અન્ય સવાલના જવાબમાં જણાવ્યું કે, છેલ્લા ત્રણ વર્ષોમાં પાંચ ભારતીયોએ સંયુક્ત અરબ અમીરાતની નાગરીકતા લીધી છે.

ભારતના બંધારણ પ્રમાણે આપણાં દેશમાં એકલ નાગરિકતાની વ્યવસ્થા છે. તેનો અર્થ છે કે એક ભારતીય નાગરિક એક સમયમાં માત્ર એક જ દેશના નાગરિક થઈ શકે છે અને જો કોઈ વ્યક્તિ બીજા દેશની નાગરિકતા લે તો એ સાથે તેની ભારતીય નાગરિકતા આપોઆપ પૂર્ણ થઈ જાય છે.

જોકે તજજ્ઞોનું માનવું છે કે, ભલે ભારતીય નાગરિકતા છોડનારા લોકોના આંકડાઓ વધ્યાં હોય પણ આવનારા સમયમાં આંકડાઓ ઘટી શકે છે કારણ કે અન્ય દેશોની તુલનામાં ભારતની આર્થિક સ્થિતિ સારી થઈ છે.

આ પણ વાંચો - અમને તમારી ચિંતા છે, ભારતે તુર્કીને મોકલી મદદ, જુઓ તસવીરો