ઇન્ટરનેટ પર 24 કલાકમાં સૌથી વધુ સર્ચ થયું મોરબી, 100માંથી 90 યુઝર્સે સર્ચ કરી આ ઘટના

મોરબી ઝૂલતા પુલ દુર્ઘટના ઇન્ટરનેટ પર ટ્રેન્ડિંગ થઇ હતી. વિશ્વભરમાં 24 કલાકમાં 25 કરોડથી વધુ  યુઝર્સે ગૂગલ પર મોરબી શબ્દ સર્ચ કરી આ ઘટના અંગે માહિતી મેળવી હતી. મોરબીની દુર્ઘટના ઇન્ટરનેટ પર ટ્રેન્ડિંગ થતા ગૂગલે SOS એલર્ટ જાહેર કર્યુ હતું. SOS મારફતે મોરબીની દુર્ઘટના અંગે અફવા અથવા ખોટી માહિતી ન ફેલાય અને લોકો સુધી સચોટ માહિતી પહોંચે તેવો ગુગલે પ્રયાસ કર્યો.

યુઝર્સે  morbi, morbi bridge, collepse, hanging bridge, morbi julto pul news , suspension bridge morbi, morbi incident, machhu river,morbi hadsa વગેરે જેવા શબ્દોથી ગુગલ પર સર્ચ કરી આ ઘટનાની માહિતી મેળવી હતી.

Googleના દર 100માંથી 90 યુઝર્સે મોરબી ઘટના સર્ચ કરી હતી. કોઇપણ એક ઘટના પર ચોક્કસ શબ્દનું પાંચ હજાર ટકા કરતા વધુ સર્ચ કરવામાં આવે તો Google તેને બ્રેક આઉટ આપે છે. મોરબી અંગે વિવિધ કી વર્ડથી સર્ચ થયેલા તમામ શબ્દોને ગુગલે ગઇકાલે આપેલુ બ્રેક આઉટ આજે પણ યથાવત છે. કોરોના કાળ બાદ મોરબીની ઘટના પ્રથમ એવી ઘટના છે. જેના માટે ગુગલ પર કરોડો યુઝર્સે સર્ચ કર્યુ હોય. યુક્રેન અને રશિયા યુદ્ધ અંગે પણ ગુગલ પર આટલું સર્ચ કરવામાં આવ્યું નહોવાનું સાયબર એકસપર્ટ્સ જણાવે છે.

આ પણ વાંચો - મોરબી દુર્ઘટનામાં 50 લોકોના જીવ બચાવનાર હુસેને કહ્યું- ત્યા લોકો વિડીયો જ બનાવી રહ્યા હતા