મોહમ્મદ જુબૈર અને પ્રતીક સિંહાને નોબેલ શાંતિ પુરસ્કાર મળશે? આ નામો છે રેસમાં

દિલ્હી પોલીસ (Delhi Police)ની FIR અનુસાર, મોહમ્મદ જુબૈરની આ વર્ષે જૂનમાં 2018ના એક ટ્વીટ માટે ધરપકડ કરવામાં આવી હતી જે અત્યંત ઉશ્કેરણીજનક અને નફરતની લાગણીઓને ઉશ્કેરવા માટે પર્યાપ્ત કરતાં વધુ" હતી. દિલ્હી પોલીસે મોહમ્મદ જુબૈર પર ધર્મના આધારે અલગ-અલગ જૂથો વચ્ચે દુશ્મનાવટને પ્રોત્સાહન આપવાનો અને જાણીજોઈને ધાર્મિક લાગણીઓને ઠેસ પહોંચાડવાનો આરોપ લગાવ્યો હતો. સુપ્રીમ કોર્ટમાંથી જામીન મળ્યાના એક મહિના બાદ મોહમ્મદ જુબૈર તિહાર જેલમાંથી બહાર આવ્યો હતો.

2022 નોબેલ શાંતિ પુરસ્કાર માટેની રેસમાં લગભગ 343 ઉમેદવારો છે - 251 વ્યક્તિઓ છે અને 92 સંસ્થાઓ છે. અહીં એ પણ નોંધવું જોઈએ કે નોબેલ કમિટી નામાંકિત વ્યક્તિઓના નામની જાહેરાત કરતી નથી, ન તો મીડિયાને કે ન ઉમેદવારોને. 

બેલારુસિયન વિપક્ષી રાજકારણી સ્વ્યાત્લાના સિચાનોવસ્કાયા, પ્રસારણકર્તા ડેવિડ એટનબરો, આબોહવા કાર્યકર્તા ગ્રેટા થનબર્ગ, પોપ ફ્રાન્સિસ, તુવાલુના વિદેશ પ્રધાન સિમોન કોફે અને મ્યાનમારની રાષ્ટ્રીય એકતા સરકાર રોઇટર્સના મતદાનમાં નોર્વેના ધારાસભ્યો દ્વારા નામાંકિત કરાયેલા લોકોમાં છે.

પ્રતીક સિંહા અને મોહમ્મદ ઝુબૈર ઉપરાંત, યુક્રેનના પ્રમુખ વોલોડીમીર ઝેલેન્સ્કી, સંયુક્ત રાષ્ટ્ર શરણાર્થી એજન્સી, વિશ્વ આરોગ્ય સંસ્થા (WHO) અને રશિયન અસંતુષ્ટ અને વ્લાદિમીર પુતિનના ટીકાકાર એલેક્સી નવલ્ની પણ શાંતિ પુરસ્કારના દાવેદાર છે. 2022 નોબેલ શાંતિ પુરસ્કારના વિજેતાઓની જાહેરાત ઓસ્લોમાં 7 ઓક્ટોબરે સ્થાનિક સમય અનુસાર સવારે 11 વાગ્યે કરવામાં આવશે.