પાર્સલ લેવા ઉભેલી સગીરાની છેડતી બાદ ધીંગાણું સર્જાયું, પોલીસ ફરિયાદ નોંધાઈ

ભરૂચ જિલ્લામાં વિધાનસભાની ચૂંટણીના પ્રચાર-પ્રસાર વચ્ચે કાયદો વ્યવસ્થા જળવાઈ રહે તે માટે પોલીસ પણ ચુસ્ત પોલીસ બંદોબસમાં રહી છે પરંતુ ભરૂચના નેશનલ હાઇવે 48 ઉપર મેકડોનલ્ડસમાં પાર્સલ લેવા ઉભેલી સગીરાને કેટલાક તત્વો અભદ્ર ચેન ચાળા કરી છેડતી કરતા હોય જેને લઇ સગીરા પાર્સલ લઈને બહાર નીકળતા તેનો પીછો કરી તેના ભાઈની એકટીવાને ટક્કર મારી રોડ પર પાડી દઈ મારામારી કરતા એક હુમલાખોરે તલવાર બહાર કાઢી હતી જેના પગલે સમગ્ર મામલો પોલીસ મથકે પહોંચ્યો હતો

ભરૂચ C ડિવિઝન પોલીસ મથકમાં નોંધાયેલી ફરિયાદ અનુસાર ભરૂચના પૂર્વ પટ્ટી વિસ્તારના એક ગામમાં રહેતી સગીરા તેના ભાઈ સાથે ભરૂચ નેશનલ હાઈવે 48 ઉપર આવેલ મેકડોનલ્ડસમાં ખાણી પીણીની ચીજ વસ્તુનું પાર્સલ લેવા લાઈનમાં ઊભી હતી તે દરમિયાન 2 એકટીવા ઉપર 4 લોકો આવ્યા હતા અને તેઓ સગીરા પાર્સલ લેવા લાઈનમાં ઉભી હતી તે વેળા અભદ્ર ઈશારા અને ચેનચાળા કર્યા હતા.

સગીરા પોતાનું પાર્સલ લઇ મેકડોનલ્ડસમાં બહાર નીકળી ભાઈ સાથે પરત ફરી રહી હતી તે દરમિયાન 2 એક્ટીવા ઉપર 4 લોકો જેમાં તુલસીધામ સોસાયટીનો રહીશ ઋષભ વસાવા અને મહાદેવ નગર સોસાયટીમાં રહેતો સ્વપ્નિલ તથા અન્ય અજાણ્યા 2 મળી 4 જણાએ સગીરા અને તેના ભાઈનો પીછો કર્યો હતો અને તેણીના ભાઈની એકટીવાને રસ્તામાં ટક્કર મારી રસ્તા ઉપર પાડી દઈ ધાક ધમકી આપી ધીંગાણું કર્યું હતું. જેમાં ઋષભ વસાવાએ કપડામાં વિટારેલી તલવાર બહાર કાઢી મારામારી કરતા સગીરાના ભાઈએ તેના પરિવારને જાણ કરતા પરિવાર પણ સ્થળ ઉપર દોડી આવ્યું હતું

સમગ્ર મામલો પોલીસ મથકે પહોંચતા પોલીસે ઋષભ વસાવા, સ્વપ્નિલ તથા અન્ય 2 અજાણ્યા મળી કુલ 4 શખ્સો સામે પોલીસે મારામારી એક્ટ 323, જાનથી મારી નાખવાની ધમકી આપવા બદલ 506(2) હથિયાર ધારા 509, 114 તથા સગીરાની છેડતી કરવા બદલ પોકસો એક્ટ હેઠળ ગુનો દાખલ કરી હુમલાખોરોની ધરપકડના ચક્રોગતિમાન કર્યા છે.

આ પણ વાંચો - આદિવાસીઓના હક અને બંધારણ માટે હું જીવીશ ત્યાં સુધી ચૂંટણી લડીશ : છોટુ વસાવા