JCBના ટાયરમાં હવા ભરી રહ્યો હતો શખ્સ, અચાનક થયો બ્લાસ્ટ, વિડીયો રુંવાડા ઉભા કરી દેશે

છત્તીસગઠના રાયપુર જિલ્લામાંથી એક દર્દનાક વિડીયો સામે આવ્યો છે. જ્યા વાહન રિપેરિંગની દુકાનમાં હવા ભરતી વખતે JCBનું ટાયર ફાટતા બે લોકોના મોત થયા છે.  

છત્તીસગઢમાંથી એક ચોંકાવનારા સમાચાર સામે આવ્યા છે. રાજધાની રાયપુર સિલતારામાં હવા ભરતી વખતે JCBનું ટાયર ફાટ્યું અને તેના કારણે ભયાનક વિસ્ફોટ થયો હતો. આ ઘટનામાં બે લોકોના મોત થઇ ગયા છે. આનો એક વિડીયો પણ સામે આવ્યો છે, જેમા આ ઘટના કેવી રીતે બની તે જોવા મળી રહ્યું છે. આ ઘટના 3 મે ની હોવાનું સામે આવી રહ્યું છે. આ સમગ્ર ઘટના CCTV કેમેરામાં કેદ થઇ ગઇ હતી. વિડીયો ફૂટેજમાં સ્પષ્ટ દેખાય છે કે, પ્લાન્ટમાં બે લોકો JCBના ટાયરમાં હવા ભરી રહ્યા હતા. લાંબા સમય સુધી બધું બરાબર ચાલતું હતું. પરંતુ થોડા સમય બાદ દબાણમાં થોડી ગરબડ થઈ હતી અને જોત જોતામાં જ ટાયર ફાટ્યું હતું. આ વિસ્ફોટ એટલો ભયંકર હતો કે સ્થળ પર હાજર બંને લોકો હવામાં લગભગ 5 ફૂટ સુધી ઉછળ્યા અને તેમના મોત થયા હતા. આ સમગ્ર ઘટના CCTVમાં કેદ થઈ ગઈ છે. 

પોલીસ અધિકારીઓએ જણાવ્યું હતું કે, મધ્ય પ્રદેશના રીવા જિલ્લાના બંને મજૂરોનું ટાયર ફાટવાની ઘટનામાં મૃત્યુ થયું હતું અને આ મામલે તપાસ શરૂ કરવામાં આવી છે.