ઇન્ડોનેશિયામાં 5.4ની તીવ્રતાનો પ્રચંડ ભૂકંપ, 162ના મોત

સોમવારે ઇન્ડોનેશિયા (Indonesia)ના મુખ્ય ટાપુ જાવામાં આવેલા એક પ્રચંડ ભૂકંપ (Earthquake) અને આફ્ટરશોક્સને કારણે અસંખ્યા મકાનો ધરાશાયી થયા હતા. ભૂકંપ સંબંધિત ઘટનાઓને કારણે દેશમાં અત્યાર સુધીમાં ઓછામાં ઓછા 162 લોકોના મોત થયા છે, જ્યારે સેંકડો લોકો ઘાયલ થયા છે. આંચકાથી ડઝનેક ઈમારતોને નુકસાન થયું હતું. શેરીઓ અને ગલીઓમાં તેમના જીવ માટે દોડી રહેલા ઘણા લોકો ઘાયલ અને લોહીથી લથપથ જોવા મળ્યા હતા. 5.4-તીવ્રતાનો ભૂકંપ પશ્ચિમ જાવા પ્રાંતના સિઆનજુર પ્રદેશમાં 10 કિમીની ઊંડાઈએ આવ્યો હતો.

અધિકારીઓ હજુ પણ દેશના અંતરિયાળ વિસ્તારોમાં ભૂકંપમાં મૃત્યુ પામેલા લોકોની સંખ્યા અંગે માહિતી એકત્ર કરી રહ્યા છે.  મૃતકોની સંખ્યા વધીને 162 થઈ ગઈ છે. મૃતકોમાં મોટાભાગના બાળકો છે. ભૂકંપ સમયે સાર્વજનિક શાળાઓમાં અભ્યાસ કરતા મોટાભાગના બાળકો અભ્યાસ પૂર્ણ કર્યા બાદ ઈસ્લામિક શાળાઓમાં તાલીમ લઈ રહ્યા હતા. સિયાંજુરમાં સૌથી વધુ સંખ્યામાં ઇસ્લામિક રેસિડેન્શિયલ સ્કૂલ અને મસ્જિદો છે. 

ઇન્ડોનેશિયાની હવામાનશાસ્ત્ર અને ક્લાઇમેટોલોજી અને જીઓફિઝિકલ એજન્સી અનુસાર, ભૂકંપ પછી 25 વધુ આફ્ટરશોક્સ નોંધાયા હતા. સિયાંજુરમાં, બચાવ ટીમના સભ્યો સિવાય, સ્થાનિક લોકો પણ રાહત અને બચાવ કામગીરીમાં મદદ કરતા જોવા મળ્યા હતા. આ ઘટનામાં સેંકડો લોકો ઘાયલ થયા હતા કારણ કે તેઓ ધરાશાયી ઇમારતોથી અથડાયા હતા.

સિજેદિલ ગામમાં હજુ પણ 25 લોકો કાટમાળ નીચે દટાયેલા છે. એજન્સીએ જણાવ્યું હતું કે ઇસ્લામિક બોર્ડિંગ સ્કૂલ, હોસ્પિટલ અને અન્ય જાહેર સુવિધાઓ સહિત ડઝનેક ઇમારતોને નુકસાન થયું છે. 

જકાર્તામાં ભૂકંપના જોરદાર આંચકા અનુભવાયા હતા. રાજધાનીમાં ઉંચી ઈમારતો ધ્રૂજી ઉઠી અને અમુકને ખાલી કરાવવામાં આવી હતી.

ઉલ્લેખનિય છે કે આ વિશાળ દ્વીપસમૂહ રાષ્ટ્રમાં વારંવાર ધરતીકંપ આવે છે, પરંતુ જકાર્તામાં તેનો અનુભવ કરવો અસામાન્ય છે. ઇન્ડોનેશિયાની વસ્તી 270 મિલિયનથી વધુ છે અને તે વારંવાર ભૂકંપ, જ્વાળામુખી ફાટવા અને સુનામીથી પ્રભાવિત થાય છે. આ વર્ષે ફેબ્રુઆરીમાં, પશ્ચિમ સુમાત્રા પ્રાંતમાં 6.2-ની તીવ્રતાના ભૂકંપમાં ઓછામાં ઓછા 25 લોકો માર્યા ગયા હતા અને 460 થી વધુ ઘાયલ થયા હતા.

આ પણ વાંચો--ઈન્ડોનેશિયામાં આવ્યો ભયાનક ભૂકંપ, 20 લોકોના મોત, 300 ઈજાગ્રસ્ત