ખડગેનું વિવાદાસ્પદ નિવેદન, કહ્યું- આઝાદી માટે તેમના ઘરમાંથી કોઇ કૂતરાએ પણ...

રાજસ્થાનના અલવરમાં કોંગ્રેસ અધ્યક્ષ મલ્લિકાર્જુન ખડગે (Congress President Mallikarjun Kharge) એ એવું વિવાદાસ્પદ નિવેદન (Controversial Statement) આપ્યું છે જે હંગામો મચાવી શકે છે. તેમણે કહ્યું છે કે, દેશ માટે અને દેશની એકતા માટે આપણને આઝાદી મળી, ઈન્દિરા ગાંધી અને રાજીવ ગાંધીએ પણ બલિદાન આપ્યું, અમારી પાર્ટીના નેતાઓએ પોતાના જીવ આપ્યા, તમે શું કર્યું? શું તમારા પરિવારમાં કોઈએ દેશ માટે પોતાનો જીવ આપ્યો છે? શું (કોઈએ) કોઈ બલિદાન આપ્યું છે? ના.... કોંગ્રેસ અધ્યક્ષ મલ્લિકાર્જુન ખડગેએ કહ્યું કે, અમે ચીનની આક્રમકતા પર ચર્ચા કરવા માંગીએ છીએ પરંતુ તે (સરકાર) ચર્ચા માટે તૈયાર નથી. તે બહારથી સિંહની જેમ વાત કરે છે પણ વાસ્તવમાં તે ઉંદરની જેમ ચાલે છે. અમે દેશ સાથે છીએ પરંતુ સરકાર માહિતી છુપાવી રહી છે.