ભાજપ અધ્યક્ષ જે.પી.નડ્ડાનો કટાક્ષ, ગુનેગાર કદી ભૂલ સ્વીકારતો નથી

જેપી નડ્ડાએ નેશનલ હેરાલ્ડ કેસમાં સોનિયા ગાંધી અને રાહુલ ગાંધીને EDની નોટિસ પર કટાક્ષ કર્યો છે. ભોપાલમાં એક કાર્યક્રમમાં હાજર રહેલા ભાજપના રાષ્ટ્રીય અધ્યક્ષ જે.પી નડ્ડાએ કોંગ્રેસના નેતાઓ પર પ્રહાર કરતા કહ્યું કે કોઈ પણ ગુનેગાર નથી માનતો કે તેણે કોઈ ગુનો કર્યો છે.

 મીડિયા સાથે વાત કરતા જેપી નડ્ડાએ કહ્યું કે કોંગ્રેસ હવે પાર્ટી નથી રહી પરંતુ ભાઈ બહેનની પાર્ટી બની ગઈ છે. તેમણે કહ્યું, 'રાહુલ ગાંધી ક્યારેય ભારતની ધરતી પર બોલતા નથી. તેઓ ન તો ભારતીય છે, ન રાષ્ટ્રીય છે, ન તો કોંગ્રેસી છે. તે હવે ભાઈ-બહેનની પાર્ટી છે.

ભાજપ અધ્યક્ષે કહ્યું કે તેમનો ચહેરો ખરાબ છે અને અરીસો સાફ કરી રહ્યા છે. જેપી નડ્ડાએ કહ્યું કે જે લોકો જામીન પર બહાર છે, તેમણે કોર્ટમાં જઈને વાત કરવી જોઈએ. આટલું જ નહીં, તેણે કહ્યું કે ગુનેગાર ક્યારેય માનતો નથી કે તે ગુનામાં સામેલ હતો. જેપી નડ્ડાએ કહ્યું કે સજા થાય છે અને લોકોને 20-20 વર્ષની સજા થાય છે, પરંતુ તેઓ કહે છે કે અમને ફસાવામાં આવ્યા છે. આ લોકો જામીન પર છે.  આ ભ્રષ્ટાચારનો મામલો છે અને કોર્ટ તેની સંપૂર્ણ તપાસ કરી રહી છે. જો તમારી સામે ચાર્જશીટ દાખલ કરવામાં આવે તો તમે કોર્ટમાં કેમ નથી જતા.તેવો સવાલ તેમણે કર્યો હતો. 

ગાંધી પરિવારના બે સભ્યોને સમન્સ જારી કરવામાં આવ્યા બાદ રાજકારણમાં ગરમાવો આવ્યો છે. કોંગ્રેસ નેતા રણદીપ સુરજેવાલાએ આકરા પ્રહારો કર્યા હતો અને કહ્યું કે સરકાર ડરી ગઈ છે. તેમણે કહ્યું કે તે સ્પષ્ટ છે કે સરમુખત્યાર ડરી ગયો છે અને સરમુખત્યાર પોતાની ભૂલો છુપાવવા માટે રંજાડી રહ્યો છે. 

કોંગ્રેસે કહ્યું છે કે સોનિયા ગાંધીને 8 જૂને પૂછપરછ માટે બોલાવવામાં આવ્યા છે અને તેઓ ED ઓફિસ જશે. તે જ સમયે, સૂત્રોનું કહેવું છે કે રાહુલ ગાંધીને પણ 2 જૂને બોલાવવામાં આવ્યા છે, પરંતુ તેઓ વિદેશમાં છે. એટલા માટે રાહુલ ગાંધીએ હાજર થવા માટે વધુ સમય માંગ્યો છે.