શું કોઇ ગંભીર બીમારીથી પીડાઇ રહ્યા છે પુતિન? મીટીંગમાં ફુલેલા ચહેરા અને ધ્રુજતા પગથી ઉઠ્યા સવાલ

રશિયાના રાષ્ટ્રપતિ વ્લાદિમીર પુતિનના સ્વાસ્થ્યને લઈને મીડિયા રિપોર્ટ્સમાં ફરી એકવાર મોટો દાવો કરવામાં આવ્યો છે. તેમનું સ્વાસ્થ્ય સતત ખરાબ થઇ રહ્યું હોવાનું કહેવાય છે. ક્યુબાના નેતા સાથેની તાજેતરની બેઠક દરમિયાન પુતિનને ગભરામણ થતી હોય તેમ સ્પષ્ટ જણાતું હતું.. તેઓ વારંવાર ખુબજ જોરથી ખુરશીના હાથાને જકડી લેતા જોવા મળ્યા હતા.. આ દરમિયાન તેમના હાથનો રંગ બદલાતો જોવા મળ્યો હોવાનો પણ દાવો કરાઇ રહ્યો છે. 

મીડિયા રિપોર્ટ્સમાં કહેવામાં આવ્યું છે કે ક્યુબાના નેતા મિગુએલ ડિયાઝ-કેનલ વાય બર્મુડેઝ સાથેની બેઠકમાં પુતિન ખુબજ અસ્વસ્થ જોવા મળ્યા. પછી તેમણે ખુરશીને ચુસ્તપણે પકડી લીધી હતી. દાવો કરવામાં આવ્યો છે કે આ દરમિયાન રશિયન રાષ્ટ્રપતિના હાથનો રંગ જાંબલી થઈ ગયો હતો.ધ મિરરના અહેવાલ મુજબ, મીટિંગ દરમિયાન પુતિનનો ચહેરો નિસ્તેજ દેખાતો હતો અને તેમનું શરીર ફૂલેલું હતું. ક્યુબાના નેતા સાથે ચર્ચામાં તે સંપૂર્ણપણે અસ્વસ્થ દેખાતા હતા. સભામાં પુતિન સતત પગ હલાવતા હતા. કહેવામાં આવી રહ્યું છે કે તે કોઈ ગંભીર બીમારીનો શિકાર છે.

આ મહિનાની શરૂઆતમાં રિપોર્ટમાં એવો પણ દાવો કરવામાં આવ્યો હતો કે રશિયન રાષ્ટ્રપતિ કોઈ ગંભીર બીમારીથી પીડિત છે.એવું કહેવામાં આવે છે કે યુદ્ધમાં જે રીતે યુક્રેન રશિયાને ટક્કર આપી રહ્યું છે...અને તેને કારણે પુતિનના નેતૃત્વની સામે જે સવાલો ઉભા થયા છે.. તેને કારણે તણાવને લઇને તેમની તબિયત સતત બગડી રહી છે. પુતિનના સ્વાસ્થ્યને લઇને પુતિનના ડોકટરો અને તેમના પરિવારના સભ્યો ચિંતિત હોવાનું કહેવાય છે.એવો પણ દાવો કરવામાં આવી રહ્યો છે કે પુતિનને જીવલેણ રોગ છે.

આ પણ વાંચો -  ગુજરાતમાં કોંગ્રેસ ન હોત તો AAP અહીં સરકાર બનાવવાની સ્થિતિમાં હોત : ઈસુદાન ગઢવી