ઉત્તર પ્રદેશમાં વરરાજાને ભેટમાં મળ્યું 'બુલડોઝર', ચારેકોર થઇ રહી છે ચર્ચા

ઉત્તર પ્રદેશ (Uttar Pradesh)માં કન્યાના પિતાએ વરરાજાને બુલડોઝર (Bulldozer)ની ભેટ આપી હોવાના ફોટા સોશિયલ મીડિયા (Social Media)માં વાયરલ થતાં લોકોમાં ઉત્તેજના જોવા મળી રહી છે. આ તસવીરો  સોશિયલ મીડિયા પર ઝડપથી વાયરલ થઈ રહી છે. ફોટામાં બુલડોઝર દેખાય છે. સોશિયલ મીડિયા અનુસાર, એવું કહેવામાં આવી રહ્યું છે કે વરરાજાને લગ્નની ભેટ તરીકે બુલડોઝર મળ્યું છે. આ તસવીરો અપલોડ થતાની સાથે જ વાયરલ થઈ ગઈ છે.

સોશિયલ મીડિયા અનુસાર આ વાયરલ ફોટો ઉત્તર પ્રદેશનો જણાવવામાં આવી રહ્યો છે. તેને એક યુઝરે  ટ્વિટર હેન્ડલ પર પોસ્ટ કરી છે. ફોટો અપલોડ કરતી વખતે, યુઝરે લખ્યું કે 'યુપીમાં #બુલડોઝર_મોડેલની ધૂમ હમિરપુરના એક લગ્નમાં વર યોગેન્દ્રને હમીરપુરમાં લગ્નમાં ભેટ તરીકે બુલડોઝર મળ્યું. છોકરીના પિતાએ કહ્યું કે, જો તેણે કાર આપી હોત તો તે ઊભી રહી હોત, બુલડોઝર કામ કરશે, મારી પુત્રીને પૈસા મળશે' એટલે કે છોકરીના પિતાએ તેના જમાઈને કારને બદલે બુલડોઝર ભેટમાં આપ્યું છે. હવે આ ફોટો સોશિયલ મીડિયા પર વાયરલ થયો છે. આ વાયરલ ફોટામાં જોઈ શકાય છે કે વરરાજાને બુલડોઝર ભેટમાં આપવામાં આવી રહ્યું છે.

આ ફોટો યુઝરે બુધવારે પોસ્ટ કર્યો હતો. આ ફોટોને 1600 થી વધુ લાઈક્સ મળી છે. ત્યાં 422 લોકોએ રીટ્વીટ કર્યું છે. ફોટો વાયરલ થતા જ લોકોની વિચિત્ર પ્રતિક્રિયાઓ સામે આવી રહી છે. એક યુઝરે લખ્યું કે 'હમીરપુરના લોકો પઠાણ નહી નિહાળે પણ  જેસીબીથી ખોદકામ જોશે, અન્ય યુઝરે લખ્યું કે 'આ ખૂબ જ સારો વિચાર છે'. એક પગલું નવા ભારત તરફ.

ઉત્તર પ્રદેશમાં ગેરકાયદેસર દબાણો પર બુલડોઝર જોરશોરથી ચાલી રહ્યું છે, જે બાદ સમગ્ર ભારતમાં બુલડોઝર લોકપ્રિય બની ગયા છે. હાલમાં જ અમેરિકાથી એક તસવીર પણ આવી હતી, જેમાં ઉત્તર પ્રદેશના મુખ્યમંત્રી આદિત્યનાથ યોગીની બુલડોઝરની તસવીર વાયરલ થઈ હતી. ઉત્તર પ્રદેશ અને ગુજરાતની ચૂંટણીમાં પણ બુલડોઝરની ખૂબ ચર્ચા થઈ હતી. ચૂંટણીમાં રેલી દરમિયાન બુલડોઝરનો ઉપયોગ થયો હતો. મુખ્યમંત્રી યોગી આદિત્યનાથ બુલડોઝર બાબા તરીકે ઓળખાય છે. 

આ પણ વાંચો--નોટો ગણતી વખતે ન કરો આ 5 ભૂલો, થઈ જશો કંગાળ