ચીઝી વાનગીઓમાં ઉમેરો કરતા અને જોતા જ મોં માં પાણી આવી જાય એવા 'ચીઝ બર્સ્ટ પીઝા ઢોંસા'
ચીઝ બર્સ્ટ પીઝા ઢોંસા બનાવવા માટેની સામગ્રી:3 કપ સાદા ચોખા દોઢ કપ અડદની દાળ અડધી ચમચી મેથીના દાણા 1 વાડકી સાદા પૌંવા 2 મોટી ચમચી બટર 1 મોટી ચમચી પીઝા સોસ 2 ચમચી પ્રોસેસ ચીઝ2 ચમચી મોઝરેલા ચીઝ1 ચમચી ઝીણા સમારેલા કેપ્સીકમ 1 ચમચી ઝીણી સમારેલી ડુંગળી અડધી ચમચી ઓરેગાનો અડધી ચમચી ચીલી ફ્લેક્સમીઠું સ્વાદ મુજબ પાણી જરૂર મુજબ ચીઝ બર્સ્ટ પીઝા ઢોંસા બનાવવા માટેની રીત:સૌપ્રથમ દાળ, ચોખા અને મેàª
ચીઝ બર્સ્ટ પીઝા ઢોંસા બનાવવા માટેની સામગ્રી:
3 કપ સાદા ચોખા
દોઢ કપ અડદની દાળ
અડધી ચમચી મેથીના દાણા
1 વાડકી સાદા પૌંવા
2 મોટી ચમચી બટર
1 મોટી ચમચી પીઝા સોસ
2 ચમચી પ્રોસેસ ચીઝ
2 ચમચી મોઝરેલા ચીઝ
1 ચમચી ઝીણા સમારેલા કેપ્સીકમ
1 ચમચી ઝીણી સમારેલી ડુંગળી
અડધી ચમચી ઓરેગાનો
અડધી ચમચી ચીલી ફ્લેક્સ
મીઠું સ્વાદ મુજબ
પાણી જરૂર મુજબ
ચીઝ બર્સ્ટ પીઝા ઢોંસા બનાવવા માટેની રીત:
- સૌપ્રથમ દાળ, ચોખા અને મેથીના દાણાને અલગ અલગ વાસણમાં ધોઈને 6 થી 7 કલાક માટે પલાળી દો.
- ખીરુ બનાવવાના અડધો કલાક પહેલા સાદા પૌંવાને પણ પલાળી દો.
- હવે અડદની દાળની પેસ્ટ બનાવો.
- ત્યારબાદ ચોખાની પેસ્ટ અને છેલ્લે મેથી દાણા અને પૌંવાને પણ પીસી લો.
- હવે બધી જ ચીજોને પેસ્ટને મિક્સ કરી ખીરું તૈયાર કરી મીઠું ઉમેરી હલાવી લો.
- આ ખીરાને 2 કલાક માટે રેસ્ટ આપો.
- હવે એક મોટો લોખંડનો તવો લઈ તેને બરાબર ગરમ કરી તેના ઉપર તેલ લગાવી કપડું ફેરવી દો.
- ત્યારબાદ પાણી છાંટીને ફરી કપડું ફેરવી, તવા ઉપર એક ચમચાથી ખીરું પાથરી ગોળ ગોળ ફેરવીને ઢોંસો બનાવો.
- ત્યારબાદ તેના ઉપર બટર, પીઝા સોસ, ચીઝ, કેપ્સિકમ, ડુંગળી, ઓરેગાનો અને ચીલી ફ્લેક્સ પાથરી દો.
- ચીઝ ઓગળી જાય એટલે તેને કટ કરી ગરમાગરમ સર્વ કરો.
Advertisement