ભારતે ઈંગ્લેન્ડને 4 વિકેટે હરાવી 5મી વખત વર્લ્ડ કપનું ટાઈટલ જીત્યું

અંડર-19 વર્લ્ડ કપ ફાઇનલમાં ભારતની ટીમે ઇંગ્લેન્ડને 4 વિકેટે હરાવ્યું હતું. ભારતીય ટીમે રેકોર્ડ પાંચમી વખત અંડર-19 વર્લ્ડ કપનો ખિતાબ જીત્યો. ભારત તરફથી શેખ રાશિદે 50 રન બનાવ્યા હતા, જ્યારે રાજા બાવાએ છેલ્લી ઘડીએ 35 રન, નિશાંત સિંધુએ અણનમ 50 રન બનાવીને ભારતને જીત અપાવી હતી.

આ પહેલા, મીડિયમ ઝડપી બોલર રાજ બાવાની પાંચ વિકેટ અને રવિ કુમારની ચાર વિકેટની મદદથી ભારતે શનિવારે અંડર-19 વર્લ્ડકપની ફાઇનલમાં ઇંગ્લેન્ડને 44.5 ઓવરમાં 189 રનમાં ઓલઆઉટ કરી દીધું હતું. ઈંગ્લેન્ડ તરફથી જેમ્સ રેયુએ 95 રન બનાવ્યા હતા. ભારતના બાવાએ 9.5 ઓવરમાં 31 રન આપીને પાંચ વિકેટ લીધી હતી જ્યારે ડાબોડી ફાસ્ટ બોલર રવિ કુમારે 34 રનમાં ચાર વિકેટલીધી હતી. ભારતે નિયમિત અંતરે વિકેટો લીધી. ટોસ જીત્યા બાદ ઈંગ્લેન્ડની ટીમે પ્રથમ બેટિંગ કરવાનો નિર્ણય કર્યો હતો.