Gandhinagar : PM મોદીના જન્મદિવસ પર યોજાશે વિવિધ કાર્યક્રમો

સુરતમાં પત્રકાર પરિષદને સંબોધતા સીઆર પાટીલે કહ્યું કે, ભાજપ અને અલગ અલગ સંસ્થાઓ દ્વારા દુનિયાભરમાં વડાપ્રધાન મોદીનો જન્મ દિવસ ઉજવવામાં આવે છે. ગુજરાત ભાજપ પ્રદેશ તરફથી પણ દરેક જિલ્લાઓમાં અલગ અલગ કાર્યક્રમો કરવામાં આવે છે. 17 મી સપ્ટેમ્બરના રોજ PM મોદીના જન્મદિવસ નિમિત્તે તેમને શુભેચ્છાઓ પાઠવવા માટે અને જન્મદિવસ નિમિત્તે સેવાકીય પ્રવૃત્તિ કરવાની જે પ્રણાલીકા ભાજપમાં ચાલતી આવી છે તેને આગળ વધારતા આ વખતે પખવાડિયા સુધી એટલે કે 17 મી સપ્ટેમ્બરથી 2 ઓક્ટોબર સુધી PM મોદીના જન્મદિવસને ઉજવવામાં આવશે.